Msingwe

Msingwe

Uainishaji wa kisayansi

Himaya:	Animalia (Wanyama)
Faila:	Chordata (Wanyama wenye ugwe wa neva mgongoni)
Ngeli:	Aves (Ndege)
Oda:	Pelecaniformes (Ndege kama wari)
Familia:	Scopidae (Ndege walio na mnasaba na msingwe)
Jenasi:	Scopus Brisson, 1760
Spishi:	S. umbretta Gmelin, 1789

Ngazi za chini

Nususpishi 4:

Msingwe au mnguri ni ndege mkubwa kiasi na spishi pekee ya jenasi Scopus na familia Scopidae. Umbo wa kichwa chake chenye domo refu na ushungi nyuma yake unakupa ono la nyundo, asili ya jina la ndege huyu kwa Kiingereza (hamerkop). Anatokea Afrika kusini kwa Sahara katika maeneo manyevu kama vile mito na milango yao, maziwa na mabwawa. Hula vyura, samaki na wadudu.

Ndege hawa hujenga kiota kikubwa sana kinachofunikwa kwa mwitiko na kilicho na mwingilio upande. Kiota kina miingilio bandia kadhaa ili kudanganya maadui, kama nyoka na tai. Jike huyataga mayai 3-7.

Nususpishi

Scopus umbretta bannermanni, Msingwe Mashariki
Scopus umbretta minor, Msingwe Mdogo
Scopus umbretta tenuirostris, Msingwe wa Madagaska
Scopus umbretta umbretta, Msingwe wa Kawaida

Picha

Msingwe kwa karibu
Msingwe akila chura-kucha
Msingwe akiruka na kifaa cha kujenga kiota
Kiota cha msingwe