Faraja Kotta

Faraja Kotta
Amezaliwa	6 Mei 1985 Dar es Salaam
Nchi	Tanzania
Kazi yake	Urembo pia ni Mwanachama wa Youth Executive Committee.

Faraja Kotta (amezaliwa Dar es Salaam, 6 Mei 1985) alikuwa mrembo wa Tanzania mwaka 2004.

Kotta ni mtoto wa mwisho katika familia ya watoto wanne.

Elimu yake ya msingi aliipata katika shule ya msingi Olympio iliyopo jijini Dar es Salaam, baadae kujiunga na shule ya sekondari St Francis iliyoko mkoani Mbeya kisha kuendelea na elimu ya kidato cha 5 na 6 katika shule ya sekondari ya St Mary's Mazinde Juu, iliyoko Lushoto, Tanga, Tanzania.

Historia ya Urembo

Kotta aliwahi kuwa "Miss Ubungo" na baadae kuwa "Miss Kinondoni", pia akaja kuchaguliwa kuwa "Miss Tanzania" kwa mwaka wa 2004.

Kazi Tofauti na Urembo

Kotta ni Mwanachama wa "Youth Executive Committee" ambayo ipo chini ya Youth Net Tanzania, na pia ni Program Officer wa kipindi cha Njia Panda ambapo anafuatilia wale wananchi wanaojitokeza na matatizo na kuhakikisha wamesaidiwa na vipi wanaendelea.

Pia ni mwanzilishi wa programu ya "shule direct" ambayo inasaidia wanafunzi kujifunza masomo yao kupitia mitandao.

Maisha Binafsi

Mnamo tarehe 30 Novemba 2007 Faraja alifunga ndoa na mbunge wa Singida, Lazaro Nyalandu.

Viungo vya nje

• Tovuti inayoonyesha picha za harusi ya Faraja Kotta