Golf

Kutoka Wikipedia, kamusi elezo huru
Rukia: urambazaji, tafuta
Mpira wa golf kando la shimo
Aina za mafimbo

Golf ni mchezo ambako mchezaji anapiga mpira mdogo kwenye uwanja mkubwa kwa kutumia mafimbo ya pekee akilenga kufikisha mpira katika mashimo yanayofuatana. Sheria ya kimsingi inasema: "Mchezaji anafikisha mpira kutoka chanzo hadi kufikia shimoni kwa pigo moja au mapigo yanayofuatana."

Uwanja[hariri | hariri chanzo]

Uwanja wa golf kwa kawaida ni eneo kubwa inayoweza kufikia hektari 60 hadi 80. Sehemu kubwa ya eneo linafunikwa na manyasi na miti. Uwanja kamili huwa na mashimo 18, uwanja mdogo na mashimo 9.

Kucheza[hariri | hariri chanzo]

Kuanzia chanzo kinachoitwa "tee" mchezaji anaelekea mashimo ya uwanja kwa utaratibu wake; maana anahitaji kufika kwanza shimo na. 1, halafu na. 2 na kadhalika. Lengo ni kufikisha mpira shimoni kwa mapigo machache iwezekanavyo. Idadi ya mapigo inaandikwa na kulinganishwa baadaye kwa kusudi la kumpata mshindi kati ya wachezaji wanaomaliza mashimo yote.

Golf huchezwa na mtu pekee yake kwa mazoezi, na wachezaji wawili kati yao au na timu za wachezaji.

Kulingana na umbali wa shimo na ugumu wa eneo mchezaji ana chaguo kati ya mafimbo mbalimbali. Kwa pigo la mbali atatumia fimbo lenye kichwa kizito kinachorusha mpira hewani kuelekea shimo. Akikaribia atatumia kichwa chepesi zaidi kinachoitwa "putter" na kusukuma mpira juu ya ardhi au manyasi kuelekea shimoni

Mafimbo[hariri | hariri chanzo]

Mchezaji akicheza mpira karibu na shimoni kwa fimbo la "putter"

Kigezo:Sports

Mchezaji anaruhusiwa kutumia mafimbo hadi 14 tofauti kwa mchezo wake. Wanatofautisha "ubao", "chuma" na "putter".

Mashindano makuu[hariri | hariri chanzo]

Kuna mashindano kadhaa maarufu na hapo hushiriki hasa wachezaji wanaocheza kikazi. Mashindano haya huitwa "majors".

Wanaume
  1. The Masters
  2. U.S. Open
  3. The Open Championship (British Open)
  4. PGA Championship
Wanawake
  1. Kraft Nabisco Championship
  2. LPGA Championship
  3. U.S. Women's Open
  4. Women's British Open

Marejeo[hariri | hariri chanzo]

[1] GDO

  1. [1]

Viungo vya Nje[hariri | hariri chanzo]