Christopher Richard Mwashinga

Christopher Richard Mwashinga

Christopher R. Mwashinga, Jr (amezaliwa Januari 9, 1965) ni mchungaji, mwanateolojia, mwandishi wa vitabu na mshairi kutoka nchi ya Tanzania anayeishi nchini Marekani. Amechapisha vitabu vya mashairi, teolojia, utume na historia ya dini. Mashairi yake yamechapishwa Singapore , Tanzania , Kenya na Marekani. Anaandika vitabu kwa lugha ya Kiingereza na Kiswahili.

Asili na Familia

Alizaliwa akiwa mtoto wa tatu wa mzee Richard Male Mwashinga kutoka katika ukoo wa kichifu (Mwene) katika kitongoji cha Igawilo, jijini Mbeya, na mama Christine Mwaselela toka kitongoji cha Inyala, Mbeya, nchini Tanzania. Kwa miaka mingi wazazi wake waliishi katika eneo la Uyole ndani ya Jiji la Mbeya.

Elimu

Christopher R. Mwashinga alisoma katika shule ya msingi Ngare-Nairobi, mkoani Kilimanjaro. Alihitimu elimu ya sekondari katika shule za Igawilo Sekondari iliyoko jijini Mbeya 1988 kidato cha nne na Shule ya Sekondari ya Wavulana Songea 1991kidato cha sita. Alipomaliza masomo ya sekondari, alijiunga na Chuo Kikuu Kigezo:Arusha kusomea theolojia mwaka 1993. Mwaka 1994 alihamia Chuo Kikuu cha Afrika Mashariki,Baraton nchini Kenya alipotunukiwa shahada ya kwanza BA katika theolojia mwaka 1997. Vile vile alitunukiwa shahada mbili za uzamili katika mambo ya theolojia,Master of Divinity MDiv (2008) na Master of Arts, MA in Systematic Theology,(2010),zote katika Chuo Kikuu cha Andrews kilichopo katika jimbo la Michigan nchini Marekeni; mahali ambapo baadaye alijiunga na masomo ya shahada ya juu ya Udaktari wa Falsafa (Ph.D) katika fani ya theolojia.

Huduma kwa Vijana na Wanafunzi

Christopher Richard Mwashinga

Alifanya kazi kama Mkurugenzi wa idara ya Elimu na Vijana katika Jimbo la Mashariki mwa Tanzania la Kanisa la Waadventista wa Sabato kuanzia 1997-2005. Jimbo la Mashariki mwa Tanzania linajumuisha mikoa ya Dar Es Salaam, Morogoro, Dodoma, Pwani, Mtwara na Lindi kwa upande wa Tanzania bara, na mikoa yote ya Tanzania visiwani. Kazi yake ilimpatia fursa ya kukutana na wakuu wa vyuo vikuu vingi katika mabara matano duniani. Sauti yake ilikuwa ikisikika mara kwa mara katika vyuo vikuu vya Afrika Mashariki hasa kati ya 1992-2005. Kila mwaka alikuwa akifanya mikutano mikubwa ya Injili katika majumba ya mikutano ya vyuo vikuu mbalimbali kama vile Nkrumah Hall (Chuo Kikuu cha Dar es salaam), Multi-Purpose Hall (Chuo Kikuu cha Kilimo cha Sokoine), New Assembly Hall (Chuo Kikuu Mzumbe); na katika taasisi nyingine nyingi za elimu ya juu nchini Tanzania kama vile Chuo Kikuu cha Sayansi ya Tiba, Muhimbili, Chuo Kikuu cha Ardhi, Chuo cha Usimamizi wa Fedha (IFM) Chuo cha Ufundi Arusha, Taasisi ya Teknolojia Dar Es Salaam, Chuo Kikuu Arusha, Chuo cha Ufundi Mbeya n.k. Vile vile katika mikutano ya kila mwaka ya wanafunzi wa vyuo vikuu vya Afrika Mashariki alikuwa mhutubu katika vyuo vikuu mbalimbali kama vile Chuo Kikuu cha Nairobi,Chuo Kikuu cha Moi, Chuo Kikuu cha Afrika Mashariki, Baraton, na Chuo cha Teknolojia cha Mombasa, vilivyopo nchini Kenya. Katika nchi ya Uganda alihutubu katika Chuo Kikuu cha Makerere na Chuo Kikuu cha Sayansi na Teknolojia cha Mbarara. Mikutano yake ilihudhuriwa na wanafunzi na wahadhiri wengi katika vyuo hivyo. Katika hotuba zake pamoja na kuhubiri Injili, alitumia fursa hiyo kuwahamasisha wanafunzi na jumuiya za vyuo vikuu kutokata tamaa na kuweka malengo ya juu katika kutoa mchango wao wa huduma bora kwa jamii kwa ujumla. Mara nyingi alikemea ubaguzi, ubinafsi, kupenda pesa zaidi kuliko kupenda watu, na alisisitiza kwamba ili nchi yoyote iendelee, wasomi wake lazima wawajibike katika kufanya kazi kwa bidii na maarifa,huku wakiwajali wananchi wa kawaida ambao wengi wao hawajapata fursa yakusoma katika taasisi za elimu ya juu kama wao. Alizoea kuwakumbusha wasikilizaji wake kwamba maendeleo siku zote yanaanzia chini kwenda juu na siyo kinyume chake. "Wananchi wa kawaida wakiendelea, nchi itaendelea." Siku zote aliwasisitizia juu ya umuhimu wa kuwa wazalendo kweli kweli na kwamba ni muhimu kuwa na mapenzi mema na nchi yao. Aliwakumbusha wasomi kwamba Ukristo wa kweli na uzalendo wa kweli havipingani. Mtu anaweza kuwa Mkristo wa kweli na mzalendo wa kweli kwa wakati mmoja. Vile vile mtu anaweza kuwa na mafanikio kitaaluma na akawa na bidii katika maswala ya imani. Kitabu chake kiitwacho Rays of Hope: Living to Make a Difference ni makusanyo ya baadhi ya hotuba zake zilizopendwa sana na jumuiya za vyuo vikuu vya Tanzania. Vile vile baadhi mahuburi yake aliyoyahubiri katika vyuo vikuu vingi yamechapishwa katika kitabu kinachoitwa: Enduring the Cross: Messages of Salvation and Hope.

Ushairi na Uandishi

Ushairi

Kwa zaidi ya miaka thelathini, Christopher Mwashinga amekuwa akiandika mashairi ya Kiswahili na Kiingereza. Mashairi yake ya Kiingereza yamechapwa katika magazeti na vitabu maarufu kakika nchi mbalimbali duniani. Nchini Tanzania mashairi yake ya Kiingereza yalitokea zaidi katika gazeti la Sunday News hasa katika miaka ya tisini. Yalichapishwa vile vile katika nchini Kenya katika gazeti maarufu la "Sunday Nation" . Yalichapishwa pia nchini Singapore, na Marekani. Nchini Marekani, mashairi yake yalichapishwa na makampuni makubwa kama vile The League of American Poets na Famous Poets Press katika kitabu chao cha Mashairi Makuu ya Ulimwengu wa Magharibi (Great Poems of the Western World); . Mashairi yake ya Kiswahili yamechapishwa katika magazeti na majarida mbalimbali pia ikiwa ni pamoja na gazeti la Sauti Kuu Mashairi yake mengi yanapatikana katika vitabu vyake vitano vya Kiingereza, ''Beaches of Golden Sand'': Inspirational Poems; Windows of Love; Ocean of Grace; Short Poems of Christopher Mwashinga na Collected Poems of Christopher Mwashinga. Mashairi yake ya Kiswahili yamechapishwa katika vitabu zaidi ya kumi ikiwa ni pamoja na Sauti Toka Ughaibuni; Kilele cha Tumaini; Tumaini Lenye Baraka: Diwani ya Christopher Mwashinga; Sauti ya Faraja na Matumaini; Mdomo Mmoja na Masikio Mawili: Mashairi ya Watoto ;Mionzi ya Matumaini; Njia ya Matumaini; "Kazi za Christopher Mwashinga, Juzuu ya 3: Mashairi na Mwenge wa Matumaini. Mashairi yake pia yamekuwa yakighanwa au kusomwa katika vyombo mbalimbali vya habari kama vile televisheni na redio katika nchi mbalimbali duniani. ;  ;; Historia ya kazi yake ya kutunga mashairi ya Kiswahili inapatikana hapa Ushairi wa Christopher Richard Mwashinga.

Uandishi wa vitabu vingine

Pamoja na vitabu vya mashairi, ameandika vitabu vingine zaidi ya ishirini ikiwa ni pamoja na: A History of Christianity in East Africa: The Beginning and Development of Missions ; Rays of Hope: Living to Make a Difference, Enduring the Cross: Messages of Salvation and Hope, Barua na Mashairi , Mission Theology and a History of Christian Missions in East Africa Utume na Ukristo Katika Afrika Mashariki, Uadventista Barani Afrika: Channgamoto na Fursa za Ukuaji, pamoja na majuzuu kadhaa ya makusanyo ya kazi zake za Kiingereza na za Kiswahili ikiwa ni pamoja na The Works of Christopher Mwashinga Vols I, II, III. IV. Pia Kazi zake za Kiswahili Juzuu ya 1,2,3,na 4. Journals and Diaries (1) Berrien Springs, MI: Maximum Hope, 2017</ref>. Vitabu vyake vimechapishwa na makala zake za kisomi na kitaaluma zimechapishwa na makampuni mbalimbali ya uchapishaji ikiwa ni pamoja na AuthorHouse, Journal of the Adventist Theological Society; Journal of Adventist Mission Studies; Andrews University Seminary Student Journal na vingine vimechapishwa na Maximum Hope Books (Independent-publishing) kwa kushirikiana na Amazon.com.

Uanachama katika vyama vya kitaaluma

• Adventist Theological Society
• American Academy of Religion
• Michigan Academy of Science, Arts, and Letters
• American Academy of Poets
• Evangelical Theological Society

Ushairi

• 2024: Mashairi Ya Christopher Mwashinga: Akademia, Juzuu Ya 1 ISBN: 979-8323583485
• 2024: Mashairi Ya Christopher Mwashinga: Akademia, Juzuu Ya 2 ISBN: 979-8345221402
• 2023: Pwani ya Matumaini ISBN: 9798868370052
• 2022: Mwenge wa Matumaini ISBN: 979-8409199289
• 2021: Njia ya Matumaini ISBN: 9798517546630
• 2020: Mionzi ya Matumaini ISBN: 9798656208864
• 2019: Mdomo Mmoja, Masikio Mawili: Mashairi ya Watoto ISBN 978-9976-5177-3-6
• 2018: Sauti ya Faraja na Matumaini ISBN 978-9976-5177-1-2
• 2017: Tumaini Lenye Baraka ISBN 978-0-990-32931-2
• 2016: Kilele Cha Tumaini ISBN 978-9987-9460-9-9
• 2014: Sauti Toka Ughaibuni ISBN 978-9987-9460-3-7

Vitabu vingine

• 2020: Waraka wa Paulo kwa Waefeso" ISBN 979-8666909997
• 2018: Kumtumaini Yesu ISBN 978-9976-5177-0-5
• 2017: Uadventista Barani Afrika: Changamoto na Fursa za Ukuaji ISBN 978-9987-9460-2-0
• 2014: Waadventista Wasabato na Utunzaji wa Sabato: Historia Fupi ISBN 978-9987-9460-5-1
• 2013: Utume na Ukristo Katika Afrika Mashariki ISBN 978-9987-9460-1-3
• 2013: Barua na Mashairi ISBN 978-0-9832322-6-1

Mradi wa makusanyo ya kazi za Kiswahili za Christopher Mwashinga

• 2019: Kazi za Christopher Mwashinga, Juzuu ya I: Maandiko ya Awali ISBN 978-9976-5177-2-9
• 2020: Kazi za Christopher Mwashinga, Juzuu II: Utume, Theolojia, Mahubiri, Barua ISBN 978-9976-5177-7-4
• 2020: Kazi za Christopher Mwashinga, Juzuu III: Mashairi ISBN 978-9976-5177-5-0

Vitabu vya Kiingereza

• 2019: Short Poems of Christopher Mwashinga ISBN 978-1696-7894-3-1
• 2019: Crisscrossing the United States ISBN 978-1693-3522-6-3
• 2016: Moments of my Christian Experience ISBN 978-9987-9460-7-5
• 2016: Ocean of Grace ISBN 978-1524620974
• 2014: Insights From Bible Lands: Turkey, Israel, Egypt, and Greece (2014) ISBN 978-0-9832322-7-8
• 2013: Mission Theology and a History of Christian Missions in East Africa (2013) ISBN 978-0-9832322-5-4
• 2012: Enduring the Cross:Messages of Salvation of Hope (2012) ISBN 978-0-9832322-0-9
• 2011: Windows of Love (2012) ISBN 978-0-9832322-30
• 2011: Rays of Hope: Living to Make a Difference (2011) ISBN 9780983232216
• 2009: Beaches of Golden Sand: Inspirational Poems (2009) ISBN 978-0-615-30674-2
• 2020: A History of Christianity in East Africa: The Beginning and Development of Missions ISBN 979-8669049034
• 2021: Collected Poems of Christopher Mwashinga ISBN: 9798795994154

Mradi wa makusanyo ya kazi za Kiingereza za Christopher Mwashinga

• 2014: The Works of Christopher Mwashinga Vol. I, Letters ISBN 978-0-9832322-8-5
• 2014: The Works of Christopher Mwashinga Vol. II, Sermons, Addresses, and Poems ISBN 978-0-9832322-9-2
• 2020: The Works of Christopher Mwashinga Vol. III, Theology and Mission ISBN 978-0-9903293-4-3
• 2017: The Works of Christopher Mwashinga Vol. IV, Journals and Diaries (1) ISBN 978-0-9903293-2-9