Women Jazz Band

Women Jazz Band
Women Jazz Band kazini
Maelezo ya awali
Asili yake	Dar es Salaam, Tanzania
Aina ya muziki	Muziki wa dansi
Miaka ya kazi	1965-

Women Jazz Band ilikuwa bendi ya muziki wa dansi kutoka Dar es Salaam, Tanzania. Bendi ilianzishwa na mnamo 1965 ikiwa na wanawake tupu, lakini baadaye ilileta wanaume kwenye upande wa kupiga vyombo.

Historia yake

Kijakazi Mbegu kwenye solo gitaa.

Women Jazz Band kazini

Women Jazz Band kazini

Women Jazz Band kazini

Mwaka 1965 kundi jipya la muziki la aina yake lilianzishwa Tanzania. Lilikuwa ni bendi ya akina mama watupu. Akina mama hawa, wengine wakiwa wafanya kazi wa Government Press walijichagua na kuanza kuhudhuria mafunzo ya muziki chini ya yule mwanamuziki mahiri Mzee Mayagilo aliyekuwa kiongozi wa shughuli za muziki katika Jeshi la Polisi.

Akina mama hawa wakawa chini ya kitengo cha Polisi Jazz Band, wakaanza kufanya mazoezi ya nguvu. Bendi hiyo ya akina mama ilikuwa chini ya TANU Youth League. Wakati wakianza shughuli hii walikuwa hawana ujuzi wowote wa muziki. Kutokana na jitihada waliyofanya taratibu wakaanza kufanya maonyesho yao hasa kwenye hafla za serikali na Chama tawala wakati huo.

Tarehe 31 Mei 1966 Women Jazz band iliingia katika studio za RTD na kurekodi nyimbo sita. Nazo ni:

1. Tumsifu Mheshimiwa
2. Leo Tunafuraha
3. Mwalimu Kasema
4. Women Jazz
5. Sifa nyingi tuwasifu viongozi
6. TANU yajenge nchi.

Washirika wakuu

Washiriki katika bendi hiyo walikuwa;

1. Mary Kilima- Mwimbaji
2. Juanita Mwegoha-Mwimbaji
3. Siwema Salum- Mwimbaji
4. Rukia Hassan- Mwimbaji
5. Kijakazi Mbegu- Solo Guitar
6. Mwanjaa Ramadhan-Bass Guitar
7. Chano Mohammed-Rhythm Guitar
8. Tatu Ally-Alto Sax
9. Mina Tumaini-Tenor Sax
10. Anna Stewart-Alto Sax
11. Rukia Mbaraka-Tenor Sax
12. Lea Samweli-Bongos
13. Josephine James-Drums
14. Zainab Mbwana-Maracass
15. Tale Mgongo-Timing.

Mapokezi katika jamii na kuvunjika kwa kundi

Women Jazz ilipata umaarufu kiasi cha kuanza kufanya safari nje ya Tanzania, na kuweza kufanya maonyesho Nairobi na Mombasa, baada ya kutembelea miji kadhaa nchini Tanzania. Wakati wa matayarisho ya kwenda China kundi lilisambaratika. Kikubwa kilichosababisha hili ilikuwa ni wanamuziki kuona hawapati chochote kutokana na mapato yaliyotokana na muziki.

Tazama pia

• Shaw Hassan
• Msondo Ngoma
• Kilwa Jazz
• OSS
• DDC Mlimani Park

Viungo vya Nje

• http://wanamuzikiwatanzania.blogspot.com/2011/10/women-jazz-band-bendi-ya-akina-mama.html Ilihifadhiwa 3 Novemba 2011 kwenye Wayback Machine. katika blogu ya Ank Jay Kitime