Jean Charles Ahoua
Jean Charles Ahoua ni mchezaji wa mpira wa miguu kutoka Ivory Coast. Alizaliwa mnamo tarehe 10 Februari mwaka 2002, jijini Zikisso, Ivory Coast. Hivi sasa, anacheza kama kiungo mshambuliaji wa Simba S.C., baada ya kusajiliwa kutoka Stella Club d’Adjamé ya Ivory Coast[1].
Ahoua aliibuka kuwa mchezaji bora wa msimu (MVP) wa Ligi Kuu ya Ivory Coast kwa msimu wa 2023/24, ambapo alifunga mabao 12 na kutoa pasi za mabao 9. Anasifika kwa uwezo wake wa kufunga mabao kutoka mbali, kuchezesha timu, na kutengeneza nafasi kwa wachezaji wenzake[2].
Timu inayoshika nambari saba kwa ubora afrika Simba S.C. ilimsajili Ahoua kwa mkataba wa miaka miwili mnamo Julai mwaka 2024, kama sehemu ya mpango wao wa kujenga timu imara kwa muda mrefu kwa kusajili wachezaji wenye uwezo na umri mdogo. Ahoua anatarajiwa kuleta ubunifu na kasi kwenye timu, huku akitarajiwa kujaza pengo lililoachwa na Clatous Chama, aliyekuwa kiungo mshambuliaji wa Simba S.C. aliyehamia Young Africans.
Ahoua ana nafasi kubwa ya kuendelea kuimarika na kuwa mchezaji bora zaidi kutokana na umri wake mdogo na nia yake ya kuthibitisha uwezo wake kwenye klabu mpya.
Tanbihi
[hariri | hariri chanzo]
|
Makala hii kuhusu mchezaji mpira fulani bado ni mbegu. Je, unajua kitu kuhusu Jean Charles Ahoua kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |