Dola (pesa)

Noti ya dola 20 za Marekani

Dola ni kitengo cha sarafu kinachotumika katika nchi kadhaa, zikiwemo Marekani, Kanada, Australia, na Singapuri, miongoni mwa nyingine. Kila dola ya taifa fulani hutumika kama sarafu tofauti yenye thamani, muundo, na sera yake ya kifedha. Kawaida, dola huundwa kwa mfumo wa desimali na hugawanywa katika vitengo vidogo 100, kama senti. Ingawa dola ya Marekani (USD) ndiyo inayotambulika zaidi na kutumiwa sana katika biashara ya kimataifa, sarafu zingine za dola zina umuhimu mkubwa wa kiuchumi katika maeneo na masoko ya kimataifa. Thamani ya dola hubadilika kulingana na hali ya kiuchumi ya nchi, viwango vya mfumuko wa bei, na mabadiliko ya viwango vya ubadilishaji wa sarafu.

Dola ya Marekani au US-Dollar ndiyo inayojulikana zaidi, lakini kuna nchi zaidi ya 20 zinazotumia neno "Dollar" kwa pesa yao.

Nchi zinazotumia dola

Dola ya Australia Dola ya Bahamas Dola ya Barbados Dola ya Belize Dola ya Bermuda Dola ya Brunei Dola ya Fiji Dola ya Guyana

Dola ya Hongkong Dola ya Jamaika Dola ya Kaiman Dola ya Kanada Dola ya Karibi Dola ya Liberia Dola ya Marekani Dola ya Namibia

Historia

Asili ya jina hilo ni neno la Kijerumani "taler" (au: thaler) kwa ajili ya sarafu ya fedha iliyotolewa kwenye mji wa Joachimsthal kule Bohemia (Ucheki) mnamo mwaka 1518.

Wakati ule migodi ya Joachimsthal ilikuwa na fedha nyingi kiasi kwamba mji ulianza kutoa pesa zake. Pesa hizo zilitwa (kufuatana na mji) "Joachimsthaler", iliyofupishwa kuwa "taler" tu.

Taler ilikuwa pesa iliyopendwa sana Ulaya ikasambaa kote.

Hispania ilitumia jina hilo kwa "dolaro" yake kuanzia mwaka 1575. Dolaro ya Hispania ilikuwa baadaye pesa ya kisheria ya Marekani ilipojitenga na Uingereza na kuanzisha pesa yake mwaka 1792.