Mkeshamsitu

Chati
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Aves (Ndege) Oda: Passeriformes (Ndege kama shomoro) Familia: Muscicapidae (Ndege walio na mnasaba na shore) Nusufamilia: Saxicolinae (Ndege wanaofanana na mhozo) Jenasi: Alethe Cassin, 1859 Spishi: Angalia katiba

Mkeshamsitu ni ndege wa jenasi Alethe katika familia Muscicapidae. Wanafanana na chati na wana rangi ya kahawa mgongoni na nyeupe chini. Mwenendo wao ni kama ule wa mikesha. Wanatokea misitu ya majimaji ya Afrika pengine milimani. Hula wadudu hasa. Hulijenga tago lao kwa vigoga, vijiti na mizizi katika mti. Jike huyataga mayai 3-5.

Spishi za Afrika

• Alethe poliocephala, Mkeshamsitu Kidari-kahawia (Brown-chested Alethe)
• Alethe poliophrys, Mkeshamsitu Koo-jekundu (Red-throated Alethe)
• Alethe choloensis, Mkeshamsitu wa Cholo (Cholo Alethe)
• Alethe fuelleborni, Mkeshamsitu Kidari-cheupe (White-chested Alethe)
• Alethe diademata, Mkeshamsitu Kishungi-chekundu (Fire-crested Alethe)