LaShawn Merritt

Kutoka Wikipedia, kamusi elezo huru
Rukia: urambazaji, tafuta
Rekodi za medali

LaShawn Merritt baada ya mbio za Osaka,Ujapani
Riadha ya Wanaume
Anawakilisha nchi Marekani Marekani
Michezo ya Olimpiki
Dhahabu 2008 Beijing 400 m
Dhahabu 2008 Beijing 4x400 m
Mashindano ya Mabingwa wa Dunia ya IAAF
Dhahabu 2007 Osaka 4x400 m
Dhahabu 2009 Berlin 400 m
Dhahabu 2009 Berlin 4x400m
Fedha 2007 Osaka 400 m
Meritt akimaliza mbio ya 400m ya Olimpiki katika nafasi ya kwanza kushinda medali ya dhahabu,Beijing 21 Agosti 2008.

LaShawn Merritt (amezaliwa tar. 27 Juni 1986) ni mwanariadha wa Marekani wa mbio fupi ambaye huwa ni mtaalamu wa mbio za 400m. Merritt ni raia wa [12] ambapo yeye alisoma katika shule ya upili ya Woodrow Wilson.

Wasifu[hariri | hariri chanzo]

LaShawn alikimbia mwaka mmoja kama mwanariadha wa Chuo Kikuu cha Carolina Mashariki,akatia saini mkataba na kampuni ya Nike katika msimu wake wa kwanza katika mbio za ndani ya ukumbi,hii ikamfanya asiweze kushindana katika mashindano yoyote ya NCAA. Hivi sasa amejiunga na Chuo Kikuu cha Norfolk katika Norfolk,Virginia.

Wasifu wa riadha[hariri | hariri chanzo]

Merritt alipata umaarufu kama mwanariadha wa daraja la chini katika Mashindano ya daraja la chini ya Mabingwa katika riadha ya 2004. Yeye alishinda medali ya dhahabu katika mbio ya 400m na akavunja rekodi mbili za dunia za daraja la chini akiwa mmojawapo katika timu ya Marekani ya 4 x 100m na 4 x 400m.

Merritt alishinda medali ya fedha katika mbio ya 400m katika Mashindano ya Mabingwa wa Dunia ya 2007 mjini Osaka. Alishinda medali yake ya dhahabu ya kwanza katika mashindano makubwa akiwa katika timu ya 4 x 400m katika mbio hizo za Osaka.

Meritt alishinda mbio ya 400m katika Olimpiki ya 2008 mjini Beijing. Mashindano makali kati ya Meritt na Jeremy Wariner yalitarajiwa lakini mbio hiyo ilishindwa na Merritt kwa umbali mrefu sana. Sekunde 0.99 kati ya Merritt na Wariner ilikuwa kubwa kabisa kati ya mshindi na mwanariadha wa nafasi ya pili katika fainali ya Olimpiki katika mbio ya 400m. Muda wake wa 43.75s ulimfanya mwanariadha wa kasi sana wa tano katika historia ya mbio ya 400m.

Alishinda mbio ya 400m katika Mashindano ya Mabingwa wa Marekani ya 2009,akikimbia muda bora wa sekunde 44.50. Katika Mashindano ya Mabingwa wa Dunia ya 2009,jijini Berlin,Merritt alienda na akashinda mbio ya 400m katika muda bora duniani wa 44.06s,akimshinda Wariner tena.

Mafanikio[hariri | hariri chanzo]

Mwaka Shindano Pahali pa kushindana Matokeo Mbio
2004 Mashindano ya Mabingwa wa Dunia ya Vijana ya 2004 Grosseto, Uitalia 1 400 m
1 4x100 m
1 4x400 m
2006 Mashindano ya Mabingwa wa Dunia ya IAAF ya Ndani ya Ukumbi ya 2006 Moscow, Urusi 1 4x400 m
World Athletics Final Stuttgart, Ujerumani 3 400 m
Mashindano ya Kombe la Dunia ya 2006 ya IAAF Athens, Ugiriki 1 400 m
1 4x400 m
2007 Mashindano ya Mabingwa wa Dunia katika Riadha ya 2007 Osaka, Ujapani 2 400 m, PB 43.96
Mashindano ya Dunia ya Riadha ya IAAF ya 2007 Stuttgart, Ujerumani 1 400 m
2008 Olimpiki ya 2008 Beijing, Uchina 1 400 m, 43.75
Olimpiki ya 2008 Beijing, Uchina 1 4x400 m
2009 Mashindano ya Mabingwa wa Dunia Katika Riadha ya IAAF ya 2009 Berlin, Ujerumani 1 400 m, 44.06
Mashindano ya Mabingwa wa Dunia Katika Riadha ya IAAF ya 2009 Berlin, Ujerumani 1 4x400 m

Muda bora wa kibinafsi - Mbio za nje[hariri | hariri chanzo]

  • Mbio ya mita 200 - 19.98 s (2007)
  • Mbio ya mita 300 - 31.30 s (2009)
  • Mbio ya mita 400 - 43.75 s (2008)

Muda bora wa kibinafsi - Mbio za ndani ya ukumbi[hariri | hariri chanzo]

  • Mbio ya mita 60 - 6.68 s (2006)
  • Mbio ya mita 200 - 20.40 s (2005)
  • Mbio ya mita 300 - 31.94 s (2006)
  • Mbio ya mita 400 - 44.93 s (2005)
  • Mbio ya mita 500 - 1:03.38 (2006)

Marejeo[hariri | hariri chanzo]

  1. ^ http://www.usatf.org/athletes/bios/Merritt_LaShawn.asp LaShawn Merritt
  2. ^ Grosseto - Three World Junior records set in the space of 90 minutes. IAAF (2004-07-18).
  3. ^ Forde, Pat (2008-08-08), Hold on to your medals ... The Dash is checking in from Beijing, ESPN, ,
  4. ^ Hersh, Philip (2008-08-21), In the men's 400 meters, LaShawn Merritt's a fast learner, Los Angeles Times, ,
  5. ^ IAAF International Association of Athletics Federations - IAAF.org - Statistics - Top Lists
  6. ^ "400 Metres - M Final". 21 Agosti 2009.
  7. ^ Grohmann, Karolos (2009-08-21), Merritt crushes Wariner again for 400m title, Reuters,

Viungo vya nje[hariri | hariri chanzo]