Kutokwa na damu kwa uterasi kusiko kwa kawaida

Kutokwa na damu kwa uterasi kusiko kwa kawaida
Mwainisho na taarifa za nje
Kundi Maalumu	Magonjwa ya wanawake
Dalili	Kiasi kisicho cha kawaida, kwa njia ya mara kwa mara isiyo ya kawaida, kwa muda mrefu, au kutokwa damu kwa uterasi kwa kiasi kingi sana
Visababishi	Matatizo ya uzalishaji wa yai la kike, nyuzinyuzi za tumboni, utando wa uterasi kukua hadi kwenye ukuta wa uterasi, vipolipu vya uterasi (polyps), matatizo ya msingi ya kutokwa na damu, madhara yatokanayo na udhibiti wa uzazi , saratani
Njia ya kuitambua hali hii	Kulingana na dalili, kazi ya damu, picha za matibabu, hysteroscopy
Utambuzi tofauti	Mimba ya nje ya kizazi
Matibabu	Udhibiti wa uzazi kwa homoni, madawa ya kuongeza homoni ya kuachia gonadotropini, asidi ya tranexamic, NSAIDs, upasuaji
Idadi ya utokeaji wake	Kawaida kwa kiasi fulani

Kutokwa na damu kwa uterasi kusiko kwa kawaida (AUB), pia inajulikana kama kutokwa na damu kwa uke kusiko kwa kawaida, ni kutokwa na damu kwa uke kutoka kwenye uterasi kwa njia ambayo mara kwa mara kwa njia isiyo ya kawaida na kwa muda mrefu kupita kiasi, nayo huwa nzito kuliko kawaida, au kwa njia isiyo ya kawaida. Neno kutokwa na damu kwa uterasi isiyofanya kazi ipasavyo lilitumika wakati hakuna sababu ya msingi ya hilo. Kutokwa na damu ukeni baada ya kukoma hedhi sio kawaida. Kutokwa na damu kwa uke wakati wa ujauzito hutengwa kando na hali hii. Upungufu wa damu (anemia) kutokana na ukosefu wa madini ya chuma inaweza kutokea na ubora wa maisha unaweza kuathiriwa vibaya.

Sababu zake kuu zinaweza kujumuisha matatizo ya udondoshwaji wa yai, nyuzinyuzi, utando wa uterasi kukua hadi kwenye ukuta wa uterasi, vipolipu vya uterasi (polyps), matatizo ya msingi ya kutokwa na damu, madhara yatokanayo na udhibiti wa uzazi au saratani. Zaidi ya kategoria moja ya sababu inaweza kutumika katika kesi ya mtu binafsi. Hatua ya kwanza ya urekebishaji ni kuondoa uvimbe au ujauzito. Picha za uchunguzi wa kimatibabu au hysteroscopy inaweza kusaidia katika utambuzi.

Matibabu yake yanategemea sababu ya msingi. Chaguo zinaweza kujumuisha udhibiti wa homoni ya uzazi, madawa ya kuongeza uzalishaji wa homoni ya kuachia gonadotropini ( GnRH), asidi ya tranexamic, NSAIDs na upasuaji kama vile uondoaji wa endometriamu au hysterectomy. Kutokwa na damu kwa uterasi kusiko kwa kawaida huathiri takriban 20% ya wanawake wenye umri wa uzazi.