Juliet Obanda Makanga

Juliet Obanda Makanga (née Juliet Obanda; alizaliwa 19 Februari 1985) ni mwanafamasia, mwanasayansi wa neurosayansi na mtafiti wa masuala ya matibabu, anayefanya kazi kama Mhadhiri wa Farmakolojia ya Kliniki katika Shule ya Dawa ya Chuo Kikuu cha Kenyatta, kilichoko Kahawa, Nairobi.

Asili na elimu

Juliet Obanda alizaliwa katika Kaunti ya Vihiga, kusini-magharibi mwa Kenya, mnamo tarehe 19 Februari 1985. Alisoma katika Shule ya Wasichana ya Alliance iliyoko mji wa Kikuyu, Kaunti ya Kiambu, katikati mwa Kenya, ambako alipata Diploma ya Shule ya Upili mwaka 2002.

Mnamo mwaka wa 2003, alipata Udhamini wa Serikali ya Japani (Monbukagakusho Scholarship), kwa ajili ya kusomea famasia nchini Japani. Alitumia mwaka wake wa kwanza huko Japani katika Chuo Kikuu cha Tokyo cha Mafunzo ya Lugha za Kigeni, ambako alipata cheti cha ustadi wa lugha ya Kijapani.

Baadaye, alihamia Chuo Kikuu cha Kanazawa katika mji wa Kanazawa, ndani ya Prefekti ya Ishikawa, katika Eneo la Chūbu, kwenye Kisiwa cha Honshu (Kisiwa Kikuu) cha Japani. Alitumia miaka kumi na moja katika Taasi ya Sayansi ya Matibabu, Famasia na Afya ya chuo hicho, ambako alihitimu na Shahada ya Sayansi ya Famasia mwaka 2008, Shahada ya Uzamili ya Sayansi ya Famasia mwaka 2010, na Shahada ya Uzamivu (PhD) ya Sayansi ya Famasia mwaka 2015.