Black Panther: Wakanda Forever

Logo ya Black Panther Wakanda Forever (2022)

Black Panther: Wakanda Forever ni filamu ya shujaa wa kimarekani ya mwaka 2022 inayotokana na mhusika wa Marvel Comics Black Panther .Imetolewa na Marvel Studios na kusambazwa na Walt Disney Studios Motion Pictures, ni filamu iliyotokana iliyoandaliwa kuendana na muendelezo wa Black Panther (2018) na filamu ya 30 katika Ulimwengu wa Sinema ya Marvel (MCU). Imeongozwa na Ryan Coogler, ambaye alishirikiana na Joe Robert Cole, nyota wa filamu Letitia Wright kama Shuri/Black Panther, pamoja na Lupita Nyong'o, Danai Gurira, Winston Duke, Florence Kasumba, Dominique Thorne, Michaela Coel, Mabel Cadena., Martin Freeman, Julia Louis-Dreyfus, Angela Bassett, na akimtambulisha Tenoch Huerta Mejía katika filamu yake ya kwanza kama Namor . Katika filamu hiyo viongozi wa Wakanda wanapambana kulinda taifa lao kufuatia kifo cha Mfalme wao King T'Challa.

Mawazo ya mwendelezo yalianza baada ya kutolewa kwa filamu ya Black Panther mnamo Februari 2018. Coogler alirejea kama mkurugenzi katika miezi iliyofuata, na Marvel Studios ilithibitisha rasmi maendeleo ya mwendelezo huo katikati ya mwaka wa 2019. Mipango ya filamu hiyo ilibadilika mnamo Agosti 2020 wakati nyota wa Black Panther, Chadwick Boseman alipofariki kutokana na saratani ya utumbo mpana, huku Marvel wakichagua kutorudia jukumu lake T'Challa. Kurudi kwa waigizaji wengine wakuu kutoka kwa filamu ya kwanza kulithibitishwa mnamo Novemba, na kichwa kilitangazwa Mei 2021. Utayarishaji wa filamu ulianza mwishoni mwa Juni 2021 huko Atlanta, ukifanyika katika Studio za Trilith na Tyler Perry Studios, kabla ya kuhamia Massachusetts mnamo Agosti, lakini ulisitishwa mnamo Novemba ili kumruhusu Wright kupona kutokana na jeraha alilopata wakati wa utengenezaji wa filamu. Ilianza tena katikati ya Januari 2022 na kufungwa mwishoni mwa Machi huko Puerto Rico.