Afande Sele
| Afande Sele | |
|---|---|
| Jina la kuzaliwa | Seleman Msindi |
| Amezaliwa | 24 Aprili 1976 Morogoro, Tanzania |
| Aina ya muziki | Hip hop |
| Kazi yake | Mchanaji, mtunzi, mshairi |
| Ameshirikiana na | Lameck Ditto, Belle 9, Solo Thang, Professor Jay, Mr II ‘Sugu' |
Afande Sele (jina halisi: Seleman Msindi; alizaliwa 24 Aprili 1976) ni msanii wa muziki wa hip hop na Bongo Flava kutoka Mkoani Morogoro, Tanzania. Amewahi kushinda tuzo ya (mkali wa ryhmes) mwaka 2003 kutokana na wimbo wake wa "Darubini Kali" aliyomshirikisha Dogo Ditto kwa sasa Lameck Ditto. Ni muasisi wa makundi ya 'Ghetto Boys' na 'Watu Pori' yaliyoanzishwa na kufia mjini Morogoro kwa kuongozana na alikuwa msanii wa kwanza kuujaza uwanja wa mpira wa miguu wa Jamhuri mjini Morogoro alipozindua albamu yake ya kwanza ya 'Mkuki Moyoni'.[1] Aliongoza kampeni ya malaria mwanzoni mwa miaka ya 2005 na 2007.
Mwanzoni mwa mwezi Novemba mwaka 2012 alitangaza rasmi kufanya kazi kama kundi jipya la watu pori baada ya kufanya kazi na MC KOBA ambaye ni miongoni mwa waliokuwa wakiunda kundi la watu pori miaka ya nyuma. Ametoa nyimbo nyingi kali zikiwemo MtazamoO, Amani na Upendo, Simba Dume na nyingine nyingi. Afande Sele kwa sasa ana video ya wimbo wake Soma Ule ambayo imeongozwa na mtayarishaji Raph Tz (upcoming video director) aliyepewa heshima na msanii huyo kufanya video hiyo ambayo imekidhi maudhui ya wimbo.
Maisha Binafsi
[hariri | hariri chanzo]Afande Sele ana watoto wawili wa kike, Tunda na Sanaa wanaoishi huko mkoani Morogoro. Afande Sele alifiwa na mkewe Asha (Mama Tunda) mnamo Agosti 14, 2014. Kwa sasa Tunda anasoma sekondari iitwayo Charlotte iliyopo maeneo ya Nanenane, mjini Morogoro.
Afande Sele alijiunga na chama cha Alliance for Change and Transparency (ACT) ambacho kiliongozwa na aliyewahi kuwa Mbunge wa Kigoma Kaskazini kupitia Chama cha Demokrasia na Maendeleo (CHADEMA), Zitto Zuberi Kabwe, akitokea vilevile CHADEMA.[2] Mnamo mwaka 2015, aligombea Ubunge katika Jimbo la Morogoro Mjini kupitia chama cha upinzani cha ACT-Wazalendo, ingawa kura hazikutosha kushinda.[3] Baadaye mnamo mwaka 2018, alitangaza rasmi kujivua uanachama wake na kuhamia Chama cha Mapinduzi.[4]
Baada ya kuwa nje ya mahusiano kwa miaka zaidi ya 10 tangu kifo cha mkewe (Mama Tunda) mnamo Agosti 5, 2025, Afande Sele alimvisha pete ya uchumba mpenzi wake wa siku nyingi, Iman Makongoro.[5] Desemba 6, 2025 walifunga ndoa rasmi kwa mujibu wa sheria za ndoa ya kiserikali.[6]
Marejeo
[hariri | hariri chanzo]- ↑ "BONGO MUSIC FACTS: Huyu ndiye Afande Sele a.k.a Simba Dume". Mwanaspoti (kwa Kiingereza). 2025-01-11. Iliwekwa mnamo 2025-06-24.
- ↑ "Afande Sele: Nikiwa mbunge nitakuwa bwege sishuki jukwaani". Mwanaspoti (kwa Kiingereza). 2021-05-20. Iliwekwa mnamo 2026-06-24.
- ↑ "AFANDE SELE:Nitaomba ubunge 2015". Mwananchi (kwa Kiingereza). 2021-03-15. Iliwekwa mnamo 2026-06-25.
- ↑ "Afande Sele atangaza kujiunga na CCM, Aeleza sababu - Bongo5.com", Bongo5.com (kwa American English), 2018-03-15, iliwekwa mnamo 2018-07-05
- ↑ "Afande Sele alipa mahari ya Sh5 milioni, ng'ombe kuvuta jiko". Mwananchi (kwa Kiingereza). 2025-08-13. Iliwekwa mnamo 2026-06-24.
- ↑ Global Publishers (2025-12-07). "Afande Sele Afunga Ndoa na Wema Makongoro Morogoro". Global Publishers (kwa American English). Iliwekwa mnamo 2026-06-24.
 |
Makala hii kuhusu mwanamuziki/wanamuziki fulani wa Tanzania bado ni mbegu. Je, unajua kitu kuhusu Afande Sele kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |