Aaron Sorkin
Aaron Sorkin (Juni 9 1961) alizaliwa huko New York City. Sorkin ni mmoja wa waandishi, watayarishaji, na waongozaji maarufu wa filamu na televisheni wa Marekani, anayejulikana kwa uandishi wake wa kina, mazungumzo yenye nguvu, na uwezo wa kusimulia hadithi zenye mvuto wa kipekee. Alikulia katika mji wa Scarsdale, New York, ambapo alionyesha mapenzi kwenye kazi za sanaa za uigizaji tangu akiwa mdogo.
Sorkin alisoma katika chuo kikuu cha Syracuse, ambapo alihitimu na shahada ya sanaa za mawasiliano mnamo mwaka 1983. Baada ya kuhitimu, alihamia New York City akiwa na ndoto ya kuwa mwigizaji, lakini alikumbana na changamoto nyingi za kupata nafasi za kazi. Hata hivyo, hali hii ilimfanya kugeukia uandishi, ambapo alifanikiwa kuandika igizo la jukwaani lilioitwa "A Few Good Men" ambalo lilipokelewa vyema na baadaye kufanywa kuwa filamu maarufu mnamo mwaka 1992.
Umaarufu wa Sorkin uliongezeka alipotunga na kuandika tamthilia maarufu "The West Wing," iliyoanza kurushwa hewani mwaka 1999. Tamthilia hii ilihusu maisha na kazi za wafanyakazi wa Ikulu ya Marekani, na ilipata sifa kubwa kwa uandishi wake wa hali ya juu na uwezo wake wa kuchambua masuala ya kisiasa na kijamii kwa undani. "The West Wing" ilishinda tuzo nyingi, ikiwemo Tuzo za Emmy, na ilimfanya Sorkin kuwa jina maarufu katika tasnia ya televisheni.
Sorkin pia amefanikiwa sana katika ulimwengu wa filamu. Miongoni mwa kazi zake maarufu ni pamoja na "The Social Network" (2010), ambayo ilielezea kuanzishwa kwa mtandao wa kijamii wa Facebook na ilimletea tuzo ya Academy Award kwa uandishi bora. Filamu nyingine maarufu ni "Moneyball" (2011), "Steve Jobs" (2015), na "Molly's Game" (2017), ambayo pia ilikuwa ni kazi yake ya kwanza ya kuongoza.
Nje ya kazi yake ya sanaa, Sorkin ameonekana kuwa na maisha yenye changamoto na mafanikio. Amepambana na matatizo ya uraibu wa dawa za kulevya, lakini alifanikiwa kupata msaada na kurejea katika hali ya kawaida. Amemuoa Julia Bingham na wana mtoto mmoja wa kike, Roxy. Hata hivyo, ndoa yao ilivunjika mwaka 2005.
Kwa sasa, Sorkin anaendelea kuchangia sana katika tasnia ya filamu na televisheni, akiandika na kuongoza kazi mpya ambazo zinaendelea kupokelewa vyema na wachambuzi na watazamaji. Uwezo wake wa kusimulia hadithi kwa njia ya kipekee na yenye kuvutia unaendelea kumweka katika nafasi ya juu miongoni mwa waandishi na watayarishaji bora zaidi duniani.
| Jina la Filamu/Tamthilia | Mwaka iliyotoka | Idadi ya Tuzo | Wasanii wakubwa |
|---|---|---|---|
| A few Good Men | 1992 | 0 | Tom Cruise, Jack Nicholson, Demi Moore |
| The West Wing | 1999-2006 | 26 | Martin Sheen, Rob Lowe, Allison Janney |
| The Social Network | Mfano | 3 | Jesse Eisenberg, Andrew Garfield, Justin Timberlake |
| Moneyball | 2011 | 0 | Brad Pitt, Jonah Hill, Philip Seymour Hoffman |
| The Newsroom | 2012-2014 | 2 | Jeff Daniels, Emily Mortimer, John Gallagher Jr. |
| Steve Jobs | 2015 | 0 | Michael Fassbender, Kate Winslet, Seth Rogen |
| Molly's Game | 2007 | 0 | Jessica Chastain, Idris Elba, Kevin Costner |
| The Trial of the Chicago 7 | 2007 | 0 | Sacha Baron Cohen, Eddie Redmayne, Mark Rylance |
| Charlie Wilson's War | 2007 | 0 | Tom Hanks, Julia Roberts, Philip Seymour Hoffman |
| Sports Night | 1998-2000 | 0 | Peter Krause, Felicity Huffman, Josh Charles |