Sophie Turner

Sophie Turner
Amezaliwa	21 Februari 1996
Utaifa	Mwingereza
Majina mengine	Sophie Belinda Turner
Kazi yake	mwigizaji
Miaka ya kazi	2009-hadi sasa
Mwenza	Joe Jonas (m. 2019–2023) «start: (2019)–end+1: (2024)»"Marriage: Joe Jonas to Sophie Turner" Location: (linkback://sw.wikipedia.org/wiki/Sophie_Turner)
Watoto	2

Sophie Belinda Turner (amezaliwa Februari 12, 1996) ni mwigizaji wa Uingereza. Aliigiza kama Sansa Stark katika tamthilia ya Game of Thrones (2011-2019), ambapo ilimfanya ateuliwe kugombania tuzo za Emmy Awards kugombania katika fani ya Mwigizaji Bora katika Tamthilia mnamo mwaka 2019.

Turner aliigiza katika filamu ya Uingereza ya mwaka wa 2013 iliyoitwa The Thirteenth Tale na kumfanya kuwa filamu yake ya kwanza kuigiza, pia aliigiza katika tamthilia ya kisaikolojia iliyoitwa Another Me (2013). Aliigiza pia kwenye filamu ya ucheshi Barely Lethal (2015) na aliigiza kama kijana Jean Grey / Phoenix katika filamu ya X-Men (2016-2019).

Maisha Ya Awali

Sophie Belinda Turner alizaliwa Northampton huko Uingereza tarehe 21 Februari 1996,akiwa ni binti yake Sally, mwalimu wa shule ya kulea watoto, na Baba yake Andrew, ambaye anafanya kazi katika kampuni ya usambazaji wa magodoro. Alihamia Chesterton, Warwickshire alipokuwa na umri wa miaka 2. Alisoma katika Shule ya msingi ya Warwick hadi alipokuwa na umri wa miaka 11,na baadaye alihudhuria Shule ya Wasichana ya The King's inayojitegemea. Turner amekuwa ni mwanachama wa Kampuni ya Playbox Theatre tangu akiwa na umri wa miaka 3. Ana kaka wawili wakubwa. Pacha wake alifariki akiwa bado tumboni mwa mama yake .

Alilelewa katika nyumba kubwa ya Edwardian, karibu na Leamington Spa, akisema, "Utoto wangu ulikuwa wa kufurahisha sana. Tulikuwa na nguruwe, mazizi ya ng'ombe na farasi, na tulikuwa tukitambaa kwenye matope." Turner alikuwa na mwalimu wa filamu ya Game of Thrones hadi akiwa na umri wa miaka 16. Alipata daraja tano za GCSE A na nne za B, ikiwa pamoja na B katika Drama.

Maisha Binafsi

Turner alianza kuwa na mahusiano na mwimbaji wa Marekani Joe Jonas mwaka 2016. Walichumbiana mnamo Oktoba 2017 na kufunga ndoa tarehe 1 Mei 2019 huko Las Vegas, Nevada. Wanandoa hao waliishi New York City kufikia Mei 2019. Walifanya sherehe ya pili ya harusi huko Carpentras, Ufaransa tarehe 29 Juni 2019. Wanandoa hao wana watoto wawili wakike, waliozaliwa Julai 2020 na Julai 2022. Turner ndiye alimhamasiha mpenzi wake Jonas amtungie wimbo wa "Hesitate", ulioandikwa kama barua ya mapenzi kwake na Jonas, kwa ajili ya albamu ya Brothers reunion album, Happiness Begins.

Mwanzoni mwa mwezi Septemba 2023, Jonas aliwasilisha kesi ya talaka kutoka kwa Turner huko Miami, Florida. Hili taarifa ilithibitishwa na Turner na Jonas kupitia Instagram kuwa ni uamuzi wa pande zote. Baadaye mwezi huohuo Turner alimshtaki mume wake aliemtaliki (Jonas) iliaweze kuwaruhusu binti zao, waliozaliwa Marekani, warudi Uingereza, kwa vile waliwah kusajili makazi ya mume wake wa zamani kama makazi yao ya kudumu mnamo Aprili mapema mwaka huo. Jonas na Turner walifikia makubaliano ya malezi kwa muda mnamo Oktoba.