Nebula ya Jabari

Kutoka Wikipedia, kamusi elezo huru
Jump to navigation Jump to search
Nebula ya Jabari (Orion nebula, M42)
Picha ya Nebula ya Jabari
Kundinyota Jabari (Orion)
Mwangaza unaonekana 4.0[1]
Umbali (miaka ya nuru) 1425
Mwangaza halisi -
Majina mbadala Messier 42, M42, NGC 1976

Nebula ya Jabari (ing. Orion nebula, pia Messier 42, M42 na NGC 1976) ni nebula angavu inayoonekana katika kundinyota ya Jabari chini ya nyota tatu za ukanda wake. Mwangaza unaoonekana ni mag 4.0 hivyo inaonekana kama nyota lakini kwa kutumia darubini ndogo inatambuliwa kama doa angavu maana ni nebula..

Chanzo cha nebula hii kilikuwa wingu kubwa la molekuli za hidrojeni lililoanza kujikaza. Mawingu ya aina hii ni sehemu za anga la nje ambako nyota zinazaliwa yaani ambako zinaanza kutokea. Nebula hii inaonekana vema kwa sababu nyota changa ndani yake zinatoa mnururisho wa kuioniza (unaondoa electroni kwenye atomi na kuziacha kwenye hali ya kuwa nachaji hasi au chanya, yaani ioni) unaosababisha kung’aa kwa nebula.

Umbali wa nebula ni takriban miaka ya nuru 1425[2].

Kabla ya karne ya 17 ilijulikana kama nyota ya kawaida. Baada ya kugunduliwa kwa darubini Mfaransa Peiresc alikuwa mtu wa kwanza aliyeiangalia kwenye mwaka 1610 kwa kutumia darubini na kutambua si nyota.[3]


Tanbihi[hariri | hariri chanzo]

  1. Messier 42 (The Orion Nebula), tovuti ya NASA ya Oct. 19, 2017, iliangaliwa Januari 2018
  2. Hirota (2013), uk. 1
  3. Harrison (1983), uk. 70

Viungo vya Nje[hariri | hariri chanzo]

Marejeo[hariri | hariri chanzo]

  • Harrison, Thomas G. (1984). "The Orion Nebula: Where in History is it?". Quarterly Journal of the Royal Astronomical Society. 25: 71 (online hapa)
  • Hirota, Tomoya; et al. (2007). "Distance to Orion KL Measured with VERA". Publications of the Astronomical Society of Japan. 59 (5): 897–903
Astrowiki.PNG
Mradi wa Astronomia

Makala hii imewahi kukaguliwa na kuboreshwa kwenye warsha ya pamoja ya Jenga Wikipedia ya Kiswahili, Wikimedia Community User Group Tanzania na ASSAT. Imepewa hali ya ulinzi. Tunaomba mapendekezo yote ya usahihisho na nyongeza zipelekwe kwanza kwenye ukurasa wa majadiliano