Mtumiaji:Joeangatia/Stiff-person syndrome

Sindromu ya mtu mgumu
Mwainisho na taarifa za nje
Faili:Kifundo cha mkono cha mtu mwenye Sindromu ya mtu mgumu Kifundo cha mkono huku amekunja ngumi
Kundi Maalumu	Nyurolojia
Dalili	Misuli migumu, mikazo ya misuli, maumivu
Matatizo	Kukaa vibaya, kuvunjika kwa mfupa, kuanguka mara kwa mara, lhyperlordosis ya kiuno
Miaka ya kawaida inapoanza	20 to 60
Muda	Kuzidi kuzorota kwa kasi
Aina	Klasiki, sio kamili, encephalomyelitis inayoendelea pamoja na ugumu na myoklonus (PERM)
Visababishi	Haijulikani, autoimmune (kingamwili kuushambulia mwili)
Njia ya kuitambua hali hii	Kulingana na dalili na kuungwa mkono na vipimo vya damu na elektromiografia
Utambuzi tofauti	Ugonjwa wa Parkinsons, ugonjwa wa sclerosis nyingi, ugonjwa fibromyalgia, ugonjwa wa kisaikolojia, wasiwasi nyingi
Matibabu	Diazepam, baclofen, gabapentin, immunoglobulin ya mishipa
Utabiri wa kutokea kwake	Huwa mbaya mara nyingi
Idadi ya utokeaji wake	Nadra

Sindromu ya mtu mgumu (Stiff-person syndrome) ni ugonjwa wa nyurolojia unaojulikana na misuli ngumu na mkazo wa ghafula wa msuli ambao huendelea kuwa mbaya zaidi muda unapoendelea kusonga. Unaathiri kimsingi kiwiliwili, mikono na miguu. Mikazo ya ghafula wa misuli inaweza kuchochewa na sauti, mguso, au hisia. Matatizo yake yanaweza kujumuisha kukaa vibaya, kuvunjika kwa mifupa, maumivu sugu ya muda mrefu, na kuanguka mara kwa mara.

Katika hali nyingi sababu zake huwa hazijulikani, ingawa inaaminika kwamba hilo linahusishwa na autoimmune (yaani, mfumo wa kingamwili kuushambulia mwili kwa bahati mbaya). Kuna kesi nyingi zinahusishwa na hali zingine za kingamwili kuushambulia mwili, kama vile kisukari cha aina ya 1. Katika hali zisizo za kawaida hutokea kama sindromu ya paraneoplastiki. Utambuzi wake mara nyingi hufanyika kwa kupata viwango vya juu sana vya kingamwili na pia asidi ya glutamic decarboxylase (GAD) katika damu au maji ya uti wa ubongo. Electromiografia inaweza pia kuwa muhimu sana.

Dalili zake zinaweza kutibiwa kwa dawa kama vile diazepam, baclofen, au gabapentin. Immunoglobulin ya mishipa au plasmapheresis (yaani, kuondoa plasma katika mwili kwa kutoa damu, kuitenganisha iwe plasma na seli, kisha kurudisha seli kwenye mkondo wa damu) pia inaweza kusaidia. Kwa ujumla husababisha aina duni ya maisha, kumfanya mtu kuwa na unyogovu au wasiwasi kubwa mara nyingi kama matokeo yake. Matarajio ya maisha pia hupunguka mno.

Sindromu ya mtu mgumu ni nadra, na hutokea kwa karibu mtu mmoja kati ya milioni. Huanza mara nyingi kati ya umri wa miaka 20 na 60, ingawa inaweza kutokea kwa watoto kwa njia isiyo ya kawaida. Wanawake huathiriwa mara mbili zaidi kuliko wanaume. Hali hiyo ilielezewa kwa mara ya kwanza mwaka wa 1956 na Frederick Moersch na Henry Woltman.