Funke Opeke

Funke Opeke

Funke Opeke
Nchi	Nigeria
Kazi yake	Mhandisi wa umeme

Funke Opeke ni mhandisi wa umeme kutoka Nigeria, mwanzilishi wa Main Street Technologies na Afisa Mtendaji Mkuu wa Kampuni ya Main One Cable, kampuni ya huduma za mawasiliano iliyoko katika Jimbo la Lagos, kusini-magharibi mwa Nigeria,Kampuni yake iitwayo MainOne ni kampuni bora inayotoa huduma za mawasiliano na suluhisho la mtandao katika Afrika Magharibi

Elimu na Maisha ya awali

Funke Opeke alisoma katika Shule ya Queens school (wasichana pekee) huko Ibadan katika jimbo la Oyo, Nigeria. Alilelewa huko Ibadan katika mji mkuu wa Jimbo la Oyo,ingawa, yeye ni mzaliwa wa Ile- Oluji, jimbo la Ondo.Alizaliwa katika familia ya watoto 9, baba yake alikuwa mkurugenzi wa kwanza wa Taasisi ya Utafiti ya kokoa ya Nigeria wakati mama yake alikuwa mwalimu.

Funke Opeke alipata shahada ya kwanza na shahada ya uzamili ya uhandisi wa umeme kutoka Chuo Kikuu cha Obafemi Awolowo na Chuo Kikuu cha Columbia,Baada ya kuhitimu katika Chuo Kikuu cha Columbia, alifuata taaluma ya tehama nchini Marekani kama mkurugenzi mtendaji katika kitengo cha jumla cha Mawasiliano cha Verizon huko New York City. Mnamo 2005, alijiunga na MTN Nigeria kama afisa mkuu wa ufundi.