Dadji Rahamata Ahmat Mahamat

Dadji Rahamata Ahmat Mahamat ni mwanaharakati wa haki za wanawake wa Chad. Yeye ni meneja wa ofisi ya CAMOJET, Collectif des Associations et Mouvements de Jeunes du Tchad (Mkusanyiko wa Vuguvugu na Mashirika ya Vijana nchini Chad).

Maisha ya zamani

Yeye ni binti wa Ahmat Dadji, Mkurugenzi Mtendaji wa zamani wa Kampuni ya Chadian Industrial Sugar Company (SONASUT) na kiongozi wa watu wa Hadjeraï.

Hajamwona baba yake tangu akiwa na umri wa miaka miwili. Tarehe 28 Mei 1987 baba yake na kaka zake wawili wakubwa wenye umri wa miaka 20 na 17 walikamatwa na watu wanaodaiwa kutumwa na Rais wa Chad Hissène Habré.

Tangu wakati huo, yeye na familia yake wamefanya kampeni ya kujua nini kilimpata baba yake na hii ndio sababu iliyo mvuta kwenye maswala ya uanaharakati kwa ujumla zaidi.

Kazi

Amefanya kazi kwenye mashirika na vyama mbalimbali nchini Chad, na alijiunga na CAMOJET mwaka wa 2010.

Yeye ni conseillère du bureau (meneja wa ofisi) kwa Collectif des Associations et Mouvements de Jeunes du Tchad (Mkusanyiko wa Vuguvugu na Vyama vya Vijana nchini Chad) CAMOJET, "chama cha vijana kinachofanya kazi kwa ajili ya haki za binadamu" kilichoko mji mkuu wa nchi hiyo. mjini N'Djamena .

Tarehe 6 Februari 2015 Dadji alikamatwa lakini aliachiliwa baadaye siku hiyo kwa masharti kwamba asizungumze na waandishi wa habari kuhusu kukamatwa kwake. Alizungumza mara moja na akakamatwa tena na kuachiliwa pamoja na waandamanaji wengine 22 bila kufunguliwa mashtaka tarehe 8 Februari na kuamuru kutozungumza tena na vyombo vya habari isipokuwa alitaka "kuharibu maisha yake".

Dadji amesema, "Nimenyanyaswa kutishwa na kutishiwa lakini nitasimama kidete."

Maisha binafsi

Dadji anaishi katika mji mkuu wa Chad, N'Djamena.