Bronzi

Kutoka Wikipedia, kamusi elezo huru
Rukia: urambazaji, tafuta

Bronze ni aloi ya metali. Kiasi kikubwa ndani yake ni shaba (70 % - 90 %) na metali nyingine ndani yake ni stani (takriban 10% - 30%).

Historia[hariri | hariri chanzo]

Bronzi ilikuwa aloi ya kwanza inayojulikana kuwa ilitumiwa na binadamu katika historia yake. Mwisho wa zama za mawe watu walianza kutumia shaba kwa kutengeneza silaha na vifaa vingine. Lakini shaba peke yake ina hasara mbili: si gumu sana yaani umbo lake halidumu likitumiwa kwa kazi zito au kwa mapigano; ukali wa kisu au shoka inapotea haraka. Hasara nyingine inafanya mmenyuko na oksijeni ya hewa au katika maji na uso wake hubadilika kuwa ganda la oksaidi.

Hapo watu waligundua ya kwamba tabia za shaba zinaboreshwa kwa kuongeza kiasi cha stani pamoja na shaba. Walipata shaba kwa njia ya kupasha moto madini ya shaba hadi shaba kupatikana kwa hali ya kiowevu cha moto; kwa kuongeza kiasi cha stani katika hali hiyohiyo na kukoroga yote mbili alio ya bronzi ilipatikana. Hii aloi ni ngumu zaidi kuliko shaba pekee na haina mmemenyuko ya haraka tena na oksijeni ya hewani.

Mahali pa kwanza ambako bronzi ilipatikana zamani za milenia ya 4 KK palikuwa maeneo ya Uajemi, China, Mesopotamia na kwenye Balkani. Inaonekana ya kwamba bronzi iligunduliwa mara kadhaa mahali mbalimbali katika mazingira penye shaba ambako watu walitangulia kutengeneza vifaa vya shaba tupu awali.

Kutoka vitovu vya kwanza ujuzi wa kutengeneza bronzi ulisambaa hadi maeneno mengine penye madiniy a shaba, na biashara ya vifaa na silaha za bronzi ilianza kuunganisha mataifa na makabila ya mbali.

Baadaye nafasi ya bronzi ilichukuliwa na chuma kilichopatikana mahali pengi kwa gharama ndogo zaidi.

Use Today[hariri | hariri chanzo]

Siku hizi bronzi ina nafasi yake katika vifaa vya mapambo na pia katika sehmu za machine kwa mfano pale ambako vipande viwili vinagusana na kusugana.

Picha[hariri | hariri chanzo]