Waje
Aituaje Aina Vivian Ebele Iruobe (anajulikana kitaaluma kama Waje, kifupi cha "Words Aren't Just Enough"; amezaliwa 1 Septemba 1981) ni mwimbaji kutoka Nigeria.[1] Alianza kutambulika baada ya kushirikishwa kwenye toleo jipya la wimbo wa P-Square “Omoge Mi”.[2] Waje pia alishirikishwa kwenye wimbo maarufu wa kundi hilo wa mwaka 2008 ulioitwa “Do Me”. Aidha, alicheza sauti kwenye wimbo wa Banky W “Thief My Kele” na M.I “One Naira”.[3][4]
Mwaka 2016, Waje alikuwa mmoja wa majaji wanne kwenye msimu wa kwanza wa The Voice Nigeria. Mwaka 2018, alionekana kwenye msimu wa mwisho wa tamthilia ya Africa Magic Battleground.[5][6]
Maisha ya awali na elimu
[hariri | hariri chanzo]Waje alizaliwa tarehe 1 Septemba 1981 mjini Akure, Jimbo la Ondo, Nigeria. Pia ndiye mzaliwa wa kwanza katika familia yake. Alikulia mjini Benin City baada ya wazazi wake kuhamia huko. Wazazi wake walitalakiana akiwa bado mdogo, jambo lililomletea changamoto katika maisha yake ya utotoni.[7]
Alipata ujauzito wakati akifanya mitihani ya mwisho ya cheti cha sekondari. Hakumwambia mama yake hadi alipokuwa mjamzito wa miezi mitano. Kwa sababu ya ujauzito nje ya ndoa, alisimamishwa kwa muda kuimba kwenye kwaya ya kanisa lao.[8]
Alikuwa akiimba nyimbo za Kiinjili ambazo zilimfurahisha Askofu Mkuu Benson Idahosa, ambaye alimsaidia wakati wote wa masomo yake ya sekondari.[9] Baadaye, Waje alihamia Nsukka kusoma katika Chuo Kikuu cha Nigeria, Nsukka, ambako alipata shahada ya Kazi ya Jami]. Ili kuboresha kipaji chake cha kuimba, alisikiliza wanamuziki kama Whitney Houston na Aretha Franklin.[10]
Marejeo
[hariri | hariri chanzo]- ↑ "Waje's Transitioning to Gospel Music is Not a Trend" (kwa Kiingereza). 2022-10-08. Iliwekwa mnamo 2024-03-25.
- ↑ P-Square - Omoge Mi [Official Video] (kwa Kiingereza), iliwekwa mnamo 2023-11-07
- ↑ "Meet the Most Female Bankable Musicians of 2014". Ilihifadhiwa kwenye nyaraka kutoka chanzo mnamo 2018-06-28. Iliwekwa mnamo 2015-01-29.
- ↑ Inyang, Ifreke (2012-12-14). ""I'm starting my lingerie line soon and I'll be modelling them" - Waje". Daily Post Nigeria (kwa American English). Iliwekwa mnamo 2024-06-15.
- ↑ "Battleground season 2". M-Net (kwa Kiingereza). Iliwekwa mnamo 2022-01-27.[dead link]
- ↑ BellaNaija.com (2016-07-17). "Waje accentuates her Curves in All Black for "The Voice Nigeria" Tonight". BellaNaija (kwa American English). Iliwekwa mnamo 2024-06-15.
- ↑ "Regret my past? No way – Waje". Vanguard. 2013-05-03. Iliwekwa mnamo 2015-01-29.
- ↑ "Church banned me from choir after I got pregnant –Waje". The Punch. 2020-08-15. Iliwekwa mnamo 2024-06-15.
- ↑ "Bishop Idahosa Took Care Of Me During Secondary School–Waje". Modern Ghana. Iliwekwa mnamo 2010-03-23.
- ↑ "The different faces of Waje – Which do you prefer?". Ilihifadhiwa kwenye nyaraka kutoka chanzo mnamo 2016-01-17. Iliwekwa mnamo 2015-01-29.
 |
Makala hii kuhusu mwanamuziki fulani bado ni mbegu. Je, unajua kitu kuhusu Waje kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |