Mti

Kutoka Wikipedia, kamusi elezo huru
Rukia: urambazaji, tafuta
Miti kando la ziwa

Mti ni mmea wa kudumu mkubwa mwenye shina la ubao.

Miti huishi miaka mingi; miti yenye umri mkubwa imejulikana kuwepo kwa miaka 4,800 huko Kalifornia. Kuna dalili ya kwmaba mti mmoja huko Uswidi umepimwa kuwa na miaka zaidi ya 9,000.

Kwa jumla ugumu wa ubao na uzito wake hutegemea namna ya kukua kwa mti. Miti inayokua polepole huwa na ubao mgumu na mzito zaidi; miti inayokua harakaharaka huwa na ubao mwepesi na laini.


Muundo wa miti[hariri | hariri chanzo]

Kwa kawaida mti huwa na

Shina la mti

Shina[hariri | hariri chanzo]

Unene na urefu wa shina unatofautisha mti na mimea mingine kama vichaka ambavyo vina shina ya ubao pia. Shina linainua majani ya mti kufikia kimo cha juu ya mimea mingine penye nuru ambayo ni chanzo cha lishe ya mti kwa njia ya usanisinuru. Ndani ya shina kuna seli zinazofanya kazi ya bomba na kufikisha maji hadi kilele cha matawi. Katikati ya shina ubao unakufa ni kama mfupa wa shina na kuongeza uimara wake. Gnada la nje huwa na seli zinazoendelea kujigawa na kuongeza unene.

Mti ukikatwa shina huonyesha mara nyingi duara au miviringo ambazo ni alama ya hatua za ukuaji wa mti. Kuonekana kwa duara hizi kunategemea mazingira ya mti; nje ya kanda ya tropiki kuna majira yanayosababisha vipindi vya kukua na vipindi vya kukaa kwa mti na hivyo duara mpya inajitokeza kila mwaka. Kwa hiyo mti wa aina hii unaruhusu kuona umri wake kwa kuhesabu tu idadi ya duara za shingoni.

Mizizi[hariri | hariri chanzo]

Shina ndefu na nzito unahitaji mizizi inayolingana. Mizizi huwa hasa na kazi mbili:

  • inakusanya maji na lishe kwenye udongo na kuyapeleka shingoni
  • ni mguu ya mti na kuushika kwenye ardhi

Miti inakuza mzizi kulingana na tabia za udongo. Penye udongo laini sana kama mchanga mti unahitaji mizizi pana inayoshikana udongo katika mazingira yake. Miti mingine inakuza hasa mzizi kama boriti.

Matawi[hariri | hariri chanzo]

Matawi ni alama ya mti lakini kuna pia aina kadhaa zisizo na matawi; kwa mfano familia ya Arecaceae yenye miti kama mnazi, mchikichi au mtende hukuza majani makubwa moja kwa moja kutoka shina.

Majani[hariri | hariri chanzo]

Majani yana kazi muhimu kwa mti si mapambo tu. Kuna hasa shughuli mbili

  • usanisinuru yaani kutumia nguvu ya nuru ya jua kwa kujenga molekuli za glukosi (aina za sukari) kama lisha yake. Kwa mazingira yake mti unasafisha hewa kwa njia hii na kutoka oksijeni.
  • ugemkaji yaani majani hugemka maji; kwa njia hii inawezesha usafiraji wa maji na lishe ndani ya mti.
Mizizi inashika mti kwenye udongo

Miti na ekolojia[hariri | hariri chanzo]

Miti ni muhimu sana kwa ekolojia ya dunia

  • miti hushika ardhi hasa milimani kwa mizizi yao. Hivyo inzuia mmomonyoko wa udongo.
  • miti hutunza kiasi kikubwa cha maji na kwa njia hii hali ya hewa duniani; miti inapokea maji ya mvua na kuiacha polepole.
  • miti inatunza ndani yao kiwango kikubwa cha CO2 na kuiondoa hewani wakati wa kukua.