Tazama chanzo cha Tungamo

{{Kiasi cha kimaumbile
| jina = Tungamo
| upana =
| nyuma =
| picha = Poids fonte 2 kg 03 (cropped).jpg
| caption = Jiwe la kg 2 linalotumika katika [[mizani]] ili kupimia [[uzito]]. 
| kizio = [[kilogramu]]
|alama=<math>m</math>}}
'''Tungamo''' (pia: '''masi''', kutoka [[Kiingereza]]: ''mass'') katika [[elimu]] ya [[fizikia]] ni [[tabia]] ya [[mata|maada]], na kwa njia hii pia tabia ya [[gimba]] au [[dutu]].  

[[Kipimo sanifu cha kimataifa]] cha tungamo ni [[kilogramu]]. [[Alama]] yake katika [[fomula]] kwa kawaida ni <math>m</math>.

==Tungamo na uzito==
Tungamo ni tofauti na uzito lakini katika [[maisha]] ya kawaida hatuoni tofauti. Hivyo tunatumia [[kipimo]] cha kilogramu pia kwa kutaja uzito wa [[sukari]] tunayonunua. Lakini hali halisi uzito wa gimba au Tungamo ileile ni tofauti kutegemeana na uvutano mahali ilipo. Kwa mfano [[mtu]] akifika juu ya [[Mwezi]] uzito ni sehemu ya [[sita]] ya uzito wake [[duniani]]. Kwa hiyo mtu mwenye uzito wa kilogramu 60 duniani atakuwa na kilogramu 10 pekee akipimwa juu ya Mwezi. Sababu yake ni ya kwamba [[uvutano]] wa Mwezi ni ndogo kuliko duniani.

==Tungamo na uvutano==
[[Uvutano]] wa gimba fulani unategemeana na tungamo yake. Kila kitu hata gimba dogo kama [[jiwe]], [[meza]] au mtu lina uvutano wake. Ila tu tungamo kubwa ya [[Dunia]] yetu inafanya uvutano wake yaani nguvu inayosababisha ya kwamba watu na vitu havielei [[Hewa|hewani]] bali kukaa kwenye uso wa ardhi tukivutwa kuelekea [[kitovu]] cha [[sayari]] yetu. Vitu vyote vinavyoshikwa na uvutano wa Dunia vina uvutano wao vilevile lakini kwa sababu tungamo ya watu na vitu ni ndogo kabisa kuliko tungamo ya Dunia hatuwezi kusikia tofauti. Pia Mwezi unavutwa na graviti ya Dunia yetu lakini tungamo ya Mwezi ni kubwa kiasi kwamba uvutano wa [[mwezi (gimba la angani)|Mwezi]] unaathiri pia Dunia. Hii inaonekana kirahisi kutokana na mabadiliko ya [[bahari]] kuwa [[maji kujaa na kupwa]] yanayosababishwa na uvutano wa uvutano wa Mwezi.

==Tungamo na inesha==
Tungamo inafanya pia [[inesha]] ya gimba fulani. Inesha ni tabia ya tungamo kubaki katika hali yake ya kutulia au kuwa na mwendo fulani hadi iathiriwe na nguvu ya nje. Tungamo kubwa zaidi huwa na inesha kubwa zaidi na inahitaji nguvu kubwa zaidi kwa kubadilisha mwendo wake. Tunaiona kwa urahisi tukijaribu kusukuma [[baisikeli]], [[gari]] au [[lori]]: tungamo zake ni tofauti, hivyo nguvu inayohitajika kuzisukuma au kuzisimamisha inatofautiana.

{{mbegu-fizikia}}

[[Jamii:Fizikia]]