Mtumiaji:Joeangatia/Semaglutide

 

Dawa ya Semaglutidi (Semaglutide) inayouzwa chini ya jina la chapa Ozempic miongoni mwa majina mengine, ni dawa inayotumika kutibu kisukari cha aina ya 2 na unene uliokithiri. Haipendelewi zaidi kuliko dawa ya Metformini (Metformin), ingawa zinaweza kutumika pamoja. Inaboresha udhibiti wa sukari ya damu, hupunguza hatari ya ugonjwa wa moyo, na kupunguza hatari ya matatizo ya figo. Dawa hii hutumiwa kupitia mdomoni au kwa kudungwa sindano chini ya ngozi.

Madhara yake ya kawaida ni pamoja na kichefuchefu, kutapika, kuhara, maumivu ya tumbo, na kufungika choo. Madhara yake makubwa yanaweza kujumuisha ugonjwa wa ya kisukari wa mwili hutoa asidi nyingi za damu (ketoacidosis), sukari ya chini ya damu, na kongosho. Kuna wasiwasi kwamba matumizi yake wakati wa ujauzito yanaweza kumdhuru mtoto, na kuitumia wakati wa unyonyeshaji hakupendekezwi. Dawa hii inafanya kazi kama glukagoni ya kibinadamu inayofanana na peptidi-1 (GLP-1), huongeza kutolewa kwa insulini, inapunguza kutolewa kwa glukagoni, na kupunguza uondoaji wa chakula tumboni.

Semaglutidi iliidhinishwa kwa ajili ya matumizi ya kimatibabu nchini Marekani mwaka wa 2017. Ilitengenezwa na Novo Nordisk na ilikuwa GLP-1 ya kwanza ambayo inaweza kutumiwa kupitia mdomoni. Nchini Uingereza miligramu mbili za sindano hugharimu Huduma ya Taifa ya Afya (NHS) takriban £73 kufikia mnamo 2020. Kiasi hiki nchini Marekani kinagharimu takriban dola 850 kufikia mnamo 2021.