Majadiliano:Tawa
| Haya ni Majadiliano kwa ajili ya kuboresha makala ya Tawa. | |||
|---|---|---|---|
|
|
||
 | Hii ni makala ya Tawa ipo katika eneo la Wikipedia:Mradi wa Tanzania, juhudi za pamoja katika kuboresha maeneo ya Tanzania kwenye Wikipedia. Iwapo utapenda kushiriki, tafadhali tembelea ukurasa wa mradi, ambapo unaweza kujiunga na majadiliano na utazame orodha ya kazi zilizo wazi. |
UTAMADUNI
[hariri chanzo]Utamaduni wa Watu wa Kata ya Tawa (Waluguru) ni aina iliyo tofauti kabisa na makabila mengine. Mkuu wa Kata hiyo kihistoria (Kama ilivyokuwa kwa Kata za Kibogwa, Kibungo Juu, Tegetero, Kisemu, Konde, Kasanga, na baadhi ya Maeneo yote ya Mgeta) alijulikana kwa jina maarufu la Kingalu. Aidha, miongoni mwa maeneo maarufu ya Kitamaduni ni pamoja na Maporomoko ya Mto Mmanga. Wenyeji wa Morogoro huwarithisha vizazi vyao maadili, mila, tamaduni na desturi vizazi vyao kwa unyago na ngoma mbalimbali.
Ni utamaduni wa wenyeji wa Kata hiyo, pale ambapo binti amevunja uongo anawekwa ndani kwa muda usiopungua mwezi mmoja ambako anakula na kulala tu bila kufanya kazi yoyote na wala bila kuonana na mtu yeyote yule isipokuwa ni kwa yule aliyeteuliwa na ukoo kuonana naye. Akiwa ndani binti hupewa mafundisho ya aina mbalimbali, hufundishwa juu ya kuanzisha na kukuza familia, mahusiano kati ya mume na mke, maadili, nidhamu, mila, desturi na utamaduni katika jamii. Aidha, siku ya mwisho ya binti kutoka kukaa ndani, kabla ya kutoka nje inaandaliwa sherehe kubwa ambapo vyakula na vinywaji mbalimbali huandaliwa, ngoma mbalimbali huchezwa kwa siku mbili (inategemea matakwa ya familia). Kwa vijana wa kiume historia inaonesha kuwa walikuwa wakipewa mafundisho (yanayoshabihiana na mafundisho ya mabinti) wakati wa kuingizwa jando (kipindi cha kutahiriwa).
Utamaduni wa ngoma za wenyeji wa Kata ya Tawa umechanganyika na wa ngoma za asili ya makabila za Kizaramo, Kipogoro na Wamakonde. Ngoma maarufu kwa wenyeji wa Kata ya Tawa ni; Mganda, Kibende, Mbeta, Gombesugu, Mkwajungoma n.k.)