Utumbo mwembamba

Kutoka Wikipedia, kamusi elezo huru
Rukia: urambazaji, tafuta

Utumbo mwembamba ni sehemu ya mfumo wa mmeng'enyo wa chakula iliopo kati ya tumbo na utumbo mpana. Ni sehemu ndefu ya mfumo huu yenye urefu wa mita 4.5 - 9.6 kwa mtu mzima.

Sehemu kubwa ya mmeng'enyo wa chakula inatokea hapa, yaani ni katika sehemu hii ya kwamba mwili unatoa virutubishi vyake kutoka ujiuji wa chakula kilichotafunwa mdomoni na kupasuliwa kikemia tumboni.

Utumbo mwembamba huwa na sehemu tatu

Inapokeo kiowevu cha nyongo na cha kongosho kwa njia ya kipito cha nyongo. Upande wa ndani wa utumbo huwa na mikunjo mingi pamoja na vili ambayo ni vimbe kama vidole vidogo vyote vinayoongeza eneo linalopatikana kwa mmeng'enyo wa chakula.

Ujiuji wa chakula unatoka kwenye tumbo na kuingia katika sehemu ya duodeno lenye urefu wa sentimita 24. Hapa kiwango cha asidi katika tope la chakula kinapunguzwa.

Katika jejuno kiowevu cha kongosha kinapasua wanga, protini na mafuta kwa sehemu zinazoweza kupokelewa na damu. Kiowevu cha nyongo kinasaidia upasuaji wa mafuta. Molekuli zinazopatikana baada ya hatua hii zinapita katika ngozi ya ya utumbo na kupelekwa ini ambako zinashughulikiwa tena. Utumbo mwembamba unapokea pia sehemu kubwa ya maji yanayohitajika mwilini na kuiondoa katika tope la chakula.

Katika sehemu ya ileo ni hasa vitamini zinazopokelewa na kupitishwa kwenda damu.

Kutoka hapo mabaki ya chakula yanaendelea katika utumbo mpana.