Mnururisho

Kutoka Wikipedia, kamusi elezo huru
Rukia: urambazaji, tafuta

Mnururisho ni uenezaji wa nishati kwa njia ya vyembe vidogo sana au kwa njia ya mawimbi. Mnururisho huwa na chanzo, mwelekeo usionyoka na kasi.

Mifano ya mnururisho inayoonekana au kusikika kirahisi ni nuru na joto. Binadamu ana milango ya fahamu kwa ajili mnurursho huo kama vile macho kwa nuru na neva kenye ngozi kwa joto. Mifano ya mnururisho isiyoonekana ni mnururisho wa sumakuumeme katika redio na TV, eksirei au kinyuklia. Kuna viumbe vyenye milango ya fahamu kwa minururisho mingine, kwa mfano samaki au ndege zinazotambua uga za umeme au sumaku.

Tabia za mnururisho[hariri | hariri chanzo]

Mnururisho uko kati ya sehemu za fizikia zilizochunguliwa zaidi na sayansi na kupata matumizi mengi katika teknolojia ya kibinadamu.

Hata hivyo wataalamu hawana uhakika mnururisho mwenyewe ni nini hali halisi. Kadiri na mbinu za upimaji huonekana mara kama mwendo wa vyembe yaani vipande vidogo sana za mada (kama vile elektroni au nyutroni) na mara kama wimbi yaani mwendo wa nishati isiyo na umbo wa kimada.

Mnururisho unaweza kuathiri vitu vinavyoguswa nao. kama nishati yake ni kubwa ya kutosha inaweza kusababisha halijoto kupanda, mabadiliko ya kikemia au pia madhara kwa vitu na viumbe hai.

Aina za mnururisho[hariri | hariri chanzo]

Kuna aina nyingi za mnururisho au njia za uenezaji wa nishati.

  • Mawimbi ya redio: ni mnurusisho mwenye lukoka kubwa. Hutumiwa kwa redio, TV na ishara za mawasiliano.
  • Mikrowevu: ni aina ya pekee ya mawimbi ya redio yenye lukoka ndogo zaidi; hutumiwa kwa mawasiliano ya simu, kama silaha, kwa uhamisho wa umeme kati ya mahali na pahali halafu katika maihsa ya kila siku ndani ya jiko la püekee la kupashia joto vyakula.
  • Radar: Ni mawimbi redio yanayoonyesha ndege angani, meli baharini na hata mawingu. Yanatembea mbali na kuakisihwa na magimba.
  • Mawimbi infraredi: ni mnururisho wa joto. Hauonekani kwa jicho la kibinadamu lakini hushikwa na kamera za pekee zinazo"ona" gimba la kuota joto hata kupitia ukuta.
  • Nuru: Mnururisho unaitwa pia "mwanga"