MESSENGER

Kutoka Wikipedia, kamusi elezo huru
Rukia: urambazaji, tafuta
Uchoraji wa MESSENGER juu ya sayari Utaridi
Njia ya MESSENGER kuelekea Utaridi

MESSENGER (kifupi cha MErcury Surface, Space ENvironment, GEochemistry and Ranging, yaani uso, anga, mazingira, kemia na umbali wa Utaridi) ni chombo cha angani kutoka nchini Marekani yenye kazi ya kuzunguka sayari Utaridi na kukusanya data juu yake.[1]

MESSENGER ilipelekwa angani tarehe 3 Agosti 2004[1][2] kutoka Cape Canaveral.

Njia ya chombo cha angani haikuelekea moja kwa moja kwenda Utaridi kwa sababu hii ingehitaji fueli nyingi mno. Kwa hiyo MESSENGER ilizubguka jua na sayari mbalimbali mara kadhaa hadi kufikia umbali na Utaridi ambako graviti ya sayari imeishika katika njia imara. Kwa jumla MESSENGER ilielea kilomita bilioni 8 hadi kufikia njia yake ya kuzunguka sayari ya Utaridi. Kwa kusudi la kupunguza matumizi ya fueli chombo kilipita karibu kwenye sayari za Dunia (2 Agosti 2005) na Zuhura (5 Juni 2007) hadi kukaribia Utaridi mara ya kwanza 14 Januari 2008. Halafu ilipita Utaridi mara tatu kwenye njia ambako graviti ya sayari inachelewesha mwendo wa chombo cha angani yaani mpito wa "swing-by".

Tarehe 18 Machi 2011 MESSENGER ilifikia njia imara ya kuzunguka Utaridi. Baadaye ilipangwa kuzunguka sayari yake kwenye kimo cha kilomita 200 hadi 15,000 kwa muda wa mwaka moja.

Marejeo[hariri | hariri chanzo]

  1. 1.0 1.1 How it Works (Imagine Publishing) (23): 48-49, 2011-07-14 
  2. Launch Coverage: MESSENGER Mission. NASA. Iliwekwa mnamo 2011-07-30.