Hadubini

Kutoka Wikipedia, kamusi elezo huru
Rukia: urambazaji, tafuta
Mtaalamu akichungulia kwenye hadubini
Hadubini ya kawaida
1:Lenzi kwa jicho cha mtazamaji
2-3 lolenzi tatu kwa kukuza
4-5 mguu na gurudumu la fokasi
6 meza ya kiolwa (kinachotazamiwa)
7-8 taa inayoangaza kiolwa kwa chini; au kioo kinachokusanya nuru chini ya kiolwa kama hakuna umeme
Jicho la inzi jinsi inavyoonekana kwa hadubini

Hadubini (pia: darubini ya vidudu) ni kifaa cha kutazama vitu vidogo sana. Ni chombo muhimu cha sayansi kwa utafiti wa vitu ambavyo ni vidogo mno kwa jicho la kibinadamu.

Hadubini ya kawaida (hadubini maonzi) huwa na lenzi zinazokuza kiolwa kinachowekwa chini yake. Kwa kawaida kuna lenzi kadhaa zenye viwango tofauti vya kukuza. Muundo wake hufanana na darubini lakini inaangalia vitu kwa karibu ambavyo ni vidogo kimaumbile. Darubini inaangalia violwa vya mbali vinayoonekana vidogo kutokana na umbali.

Uwezo wa hadubini ya kawaida ni kukuza hadi mara 1,500.

Kwa utafiti wa vitu vidogo zaidi kuna teknolojia ya hadubini elektronia. Kifaa hiki hutumia elektroni badala ya nuru kwa utafiti wake na kuwezesha kutazama yaliyomo ya molekuli.

Chanzo cha neno Hadubini[hariri | hariri chanzo]

Kuhusu Hadubini yafaa ielezwe kwamba neno hili la Kiswahili liliundwa mnano mwaka 1977 na Mbashiri Mkuu wa Jumuiya ya Waislamu Waahmadiyya nchini Tanzania, (Shaikh) Jamil R.Rafiq. Hapo kabla kulikuwa hakuna neno lolote la kueleza 'microscope' kwa Kiswahili. Kamusi zilieleza neno 'darubini' likiwa Kiswahili cha Telescope na Microscope, ilhali neno hili lamaanisha Telescope peke yake. Sheikh Jamil R.Rafiq alipendekeza neno Hadubini kwa chombo kiitwacho microscope katika makala yake iliyotanguzwe katika gazeli la Daily News la 8 Machi 1977. Wananchi wengi wakalipende neno hili likubaliwe katike Kiswahili. Hatimaye, Baraza la Kiswahili la Taifa (Bakita) likakubali rasmi neno hili katika Kiswahili na likaanza kutumika katika vitabu vya sayansi.

Microscope Gallery[hariri | hariri chanzo]

Mechanical part of microscope[hariri | hariri chanzo]

Viungo vya Nje[hariri | hariri chanzo]

Tazama pia[hariri | hariri chanzo]

Science-symbol-2.svg Makala hii kuhusu mambo ya sayansi bado ni mbegu.
Je, unajua kitu kuhusu Hadubini kama historia yake au mahusiano yake na mada nyingine?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.