Tazama chanzo cha Malipizi

'''Malipizi''' (kutoka [[kitenzi]] "kulipa") ni matendo yanayofanywa ili kufidia hasa makosa na madhara.

==Katika Ukristo==
[[Neno]] hilo linatumika sana katika [[Ukristo]] kuhusu kufidia [[dhambi]]<ref name=Pius>[https://w2.vatican.va/content/pius-xi/en/encyclicals/documents/hf_p-xi_enc_19280508_miserentissimus-redemptor.html Pope Pius XI, "Miserentissimus Redemptor", §6, Libreria Editrice Vaticana]</ref>, kama vile kwa kukamilisha [[sakramenti]] ya [[kitubio]].

Katika [[dini]] hiyo inaeleweka kwamba malipizi kamili ni yale ya [[Yesu]] [[Msalaba wa Yesu|msalabani]]<ref>{{Cite book|title=The Eucharist in the West, History and Theology |last=Kilmartin |first=Edward J. |publisher=Liturgical Press |year=1999|isbn=0814661726|location=Collegeville, MN|pages=381f.}} See also Robert Daly, “Sacrifice Unveiled or Sacrifice Revisited”. ''Theological Studies'', March 2003 and Walter Kasper, ''The God of Jesus Christ.'' Crossroad (1986), pp. 191,195. ISBN|0824507770.</ref>. 

Mkristo yeyote anapaswa kubeba “msalaba wake kila siku” ([[Injili ya Luka|Lk]] 9:23) na kuunganisha mateso yake na [[sadaka]] ya Yesu inayozidi kutolewa [[altare|altareni]]: anapaswa kuyatoa kwa ajili yake na ya watu anaoshughulikia [[wokovu]] wao. Kwa mfano wa [[Bikira Maria]], [[bibi arusi|mabibi arusi]] wengi wa [[Masiya|Kristo]] wanashiriki mateso yake na hivyo kuwa [[mama]] wa Kiroho kwa wale wote waliokombolewa na [[damu]] ya [[Mtoto|Mwanae]]. Maria hakutiwa rohoni [[alama]] isiyofutika ya [[upadri]] lakini “alijaliwa ukamilifu wa [[roho]] ya kipadri” (M. Olivier) yaani roho ya [[Ukombozi|Mkombozi]]. Alipenya [[fumbo]] la altareni kuliko [[Mtume Yohane]] aliyeadhimisha [[misa]] mbele yake na kumkomunisha. Alistawisha [[utume]] wa [[Thenashara]] akijitoa pamoja na sadaka ya misa. Kwa mateso yake ya ndani, kama yale yaliyompata [[uzushi]] ulipoanza kujitokeza, alikuwa mama wa Kiroho wa watu kwa [[kiwango]] kisichofikirika pasipo mang’amuzi ya dhati ya utume huo uliofichika. Kwa namna hiyo aliendeleza sadaka ya Mwanae.

“Mwili wa fumbo wa Kristo hauwezi kuishi pasipo mateso, kama vile macho yetu yasivyoweza kuishi bila [[Mwanga wa Jua|mwanga wa jua]]. Hapa chini kadiri mtu alivyo karibu na [[Mungu]], yaani kadiri anavyompenda, anawekwa [[wakfu]] kwa mateso. Kwa watu waliopata yote kwa njia ya [[Kanisa]], je, si [[wito]] bora kuishi na kujitoa sadaka kwa ajili ya Mama yao?… Inahitajika [[subira]], lakini nitaipata: Bwana wetu atanipatia… Namuambia daima: ‘Namtaka mtu huyu kwa gharama ya mateso yoyote’… Hadi mwisho wa dunia Kristo atateseka katika viungo vyake, na kwa mateso hayo Kanisa, Bibi arusi wake, litazaa watakatifu… Tangu Yesu afe, sheria haijabadilika: watu wanaokolewa tu kwa kuteseka na kufa kwa ajili yao… [[Moyo Mtakatifu wa Yesu|Moyo wa Yesu]] uliotukuzwa milele hautateseka tena kwa sababu hauwezi kuteseka tena. Sasa ni zamu yetu… Ni heri iliyoje kwamba kuteseka ni zamu yetu, si zamu yake tena!” (Fransiska wa Yesu).

Bwana anawaambia watu wa malipizi kama [[sista]] huyo aliyeishi miaka kadiri ya kweli hizo, “Je, hujaniomba kushiriki mateso yangu? Chagua: unataka furaha ya imani isiyo na vivuli, ambayo ikupate na kukujaza matamu, au unataka giza na uchungu ili uchangie kuokoa watu?” Anawaalika waamue kwa hiari tu; lakini wao, wakivutwa na nguvu isiyoshindikana, wanajichagulia uchungu na giza lote ili wengine wapewe mwanga, utakatifu na wokovu. Pengine Bwana anawaonyesha ugumu wa mioyo, na ni kana kwamba mashetani wote wanajaribu kwa kila namna kuwakatisha tamaa; kwa saa kadhaa wanapambana nao roho kwa roho ili kumfuata kwa vyovyote Mwalimu mwema mpaka mwisho. Naye anawajalia kuelewa zaidi na zaidi anavyotarajia wapende kudharauliwa na kuangamia, kama chembe ya ngano iliyomwagwa ardhini ioze ikazae kwa wingi.

Ndiyo dalili ya upendo kamili ambao “unatolewa na [[Roho Mtakatifu]] akiushirikisha [[utashi]] [[nguvu]] yake mwenyewe” ([[Katerina wa Siena]]). Bwana alimuambia [[mtakatifu]] huyo kuwa wanaotamani wokovu wa watu “hawana lengo lingine isipokuwa kuteseka na kukabili uchovu wowote kwa manufaa ya jirani, wakichukua mwilini mwao madonda ya Kristo, kwa kuwa upendo msulubiwa unaowajaa unajitokeza katika kujidharau, kufurahi kudhalilishwa, kupokea mapingamizi na mateso mengine ninayowajalia toka pande zote na kwa namna yoyote… Hivyo wanalingana na Mwanakondoo asiye na doa, Mwanangu pekee ambaye msalabani alikuwa na heri na uchungu kwa wakati mmoja… Nani anaweza kuninyang’anya na kusogeza mbali nami watu hao, waliozama katika moto wa upendo, kwa kutokuwa na matakwa yoyote ya kwao tena na kwa kuwaka kabisa kwa ajili yangu?”

Ndio ulinganifu kamili na Yesu Kristo unaozaa na kuangaza katika maisha ya malipizi. Hata kwa wasiopokea upadri ni kushiriki hali ya [[kafara]] ya Yesu na kuungana kwa dhati na kuhani wa milele: “Mmwendee yeye, jiwe lililo hai, lililokataliwa na wanadamu, bali kwa Mungu ni teule, lenye heshima. Ninyi nanyi, kama mawe yaliyo hai, mmejengwa mwe nyumba ya Roho, ukuhani mtakatifu, mtoe dhabihu za roho, zinazokubaliwa na Mungu, kwa njia ya Yesu Kristo” ([[Waraka wa kwanza wa Petro|1Pet]] 2:4-5).

==Tanbihi==
{{reflist}}
{{mbegu-Ukristo}}
[[Jamii:Teolojia]]
[[Jamii:Maisha ya kiroho]]