Tazama chanzo cha Kupashwa habari

[[File:Annunciation - Google Art Project.jpg|thumbnail|''Kupashwa Habari'', [[mchoro]] wa [[msanii]] asiyejulikana, [[1420]] hivi, [[Museu Nacional d'Art de Catalunya]], [[Barcelona]], [[Hispania]].]] 
[[Image:Nazaret Gabrielskirche BW 11.JPG|thumb|left|Kanisa la Kiorthodoksi la Kupashwa Habari, lililojengwa [[Nazareth]] mahali panapodhaniwa Maria alitokewa.]]
[[File:El GRECO (Domenikos Theotokopoulos) - Annunciation - Google Art Project.jpg||thumb|''Kupashwa Habari'' kadiri ya [[El Greco]], takriban [[1590]]–[[1603]], [[Ohara Museum of Art]], [[Kurashiki]], [[Japani]].]]
{{Yesu Kristo}}
[[File:Marie Bebådelse - Hallwylska museet - 89006.tif|thumb|''Kupashwa Habari'' kadiri ya [[Salomon Koninck]], [[1655]], [[Hallwyl Museum]], [[Stockholm]], [[Uswidi]].]] 
[[Image:Bartolomé Esteban Perez Murillo 023.jpg|thumb|''Kupashwa Habari'' kadiri ya [[Bartolomé Esteban Perez Murillo|Murillo]], [[1655]]–[[1660]], [[Hermitage Museum]], [[Saint Petersburg]], [[Urusi]].]]
'''Kupashwa habari''' kwa [[Bikira Maria]] kwamba atapata [[mimba]] kwa uwezo wa [[Roho Mtakatifu]] na hatimaye kuzaa [[mtoto]] [[Mwanaume|wa kiume]], [[jina]] lake [[Yesu]], ni tukio la kuheshimika sana kati ya [[Wakristo]] na [[Waislamu]] kutokana na masimulizi ya [[Injili]] na [[Kurani]].

==Katika Injili==
Ni hasa sura ya 1 ya [[Injili ya Luka]] inayoripoti tukio hilo baada ya lile lililotangulia miezi [[sita]], la [[Malaika Gabrieli]] kumpasha habari [[mzee]] [[Zakaria (Injili)|Zakaria]] kwamba [[mke]] wake mkongwe tena tasa, [[Elizabeti]], atamzalia mtoto wa kiume, [[Yohane Mbatizaji|Yohane]].

26 Mnamo mwezi wa sita, malaika Gabrieli alitumwa na Mungu aende kwenye mji uitwao Nazareti huko Galilaya, 27 kwa msichana mmoja aitwaye Maria, mchumba wa mtu mmoja jina lake Yosefu, wa ukoo wa Daudi. 28 Malaika akamwendea, akamwambia, "Salamu Maria! Umejaliwa neema nyingi! Bwana yu pamoja nawe." 29 Maria aliposikia maneno hayo alifadhaika sana, akawaza: maneno haya yanamaanisha nini? 30 Malaika akamwambia, "Usiogope Maria, kwa maana Mungu amekujalia neema. 31 Utachukua mimba, utamzaa mtoto wa kiume na utampa jina Yesu. 32 Yeye atakuwa mkuu na ataitwa Mwana wa Mungu Mkuu. Bwana Mungu atampa kiti cha mfalme Daudi, babu yake. 33 Kwa hivyo atautawala ukoo wa Yakobo milele, na ufalme wake hautakuwa na mwisho." 34 Maria akamjibu, "Yatawezekanaje hayo, hali mimi ni bikira?" 35 Malaika akamjibu, "Roho Mtakatifu atakushukia, na uwezo wake Mungu Mkuu utakujia kama kivuli; kwa sababu hiyo, mtoto atakayezaliwa ataitwa Mtakatifu, Mwana wa Mungu. 36 Ujue pia kwamba hata Elisabeti, jamaa yako, naye amepata mimba ingawa ni mzee, na sasa ni mwezi wa sita kwake yeye ambaye watu walimfahamu kuwa tasa. 37 Kwa maana hakuna jambo lisilowezekana kwa Mungu." 38 Maria akasema, "Mimi ni mtumishi wa Bwana, nitendewe kama ulivyosema." Kisha yule malaika akaenda zake.

Ingawa [[Injili ya Mathayo]] 1:18-21 inategemea chanzo tofauti, habari zake zinalingana vizuri na zile za Luka.

==Katika Kurani==
Tukio hilohilo linasimuliwa na Qur'an, Sura 003:045 (Al-i-Imran – Familia ya Imran) aya 45–51: 

45 Tazama! Malaika alisema: "Ewe Mariamu! [[Allah]] alikupa habari njema ya Neno kutoka kwake: jina lake litakuwa Kristo Yesu, mwana wa Mariamu, wa kuheshimika katika ulimwengu huu na ahera, na mmoja kati ya walio karibu zaidi na Allah;"

Hata Sura 019:016 (Maryam – Mariamu) aya 16–26 inahusika na tukio hilo ambalo mapokeo ya Kiislamu yanashikilia lilitokea katika mwezi wa [[Ramadhani]].

==Katika liturujia ya Kikristo==
Wakristo wengi, labda tangu [[karne ya 2]]<ref>Michael Alan Anderson, Symbols of Saints (ProQuest 2008 ISBN 978-0-549-56551-2), pp. 42–46</ref> wanaadhimisha tukio hilo tarehe [[25 Machi]]<ref>[[Martyrologium Romanum]]</ref>, na ndicho chanzo cha kuadhimisha [[Noeli]] miezi [[tisa]] baadaye, tarehe [[25 Desemba]].

[[Waorthodoksi]] hawasogezi [[sikukuu]] hiyo, hata kama inagongana na [[Ijumaa Kuu]]. Kama ni [[Pasaka]] wanasherehekea pamoja huo [[Umwilisho]] na [[Ufufuko wa Yesu]]. Kwao ni mojawapo ya [[Sherehe kuu]]. Kumbe Kanisa la Roma linaruhusu kuisogeza ikiangukia [[Jumapili]] ya [[Kwaresima]], [[Juma Kuu]] au [[Oktava ya Pasaka]], mradi isiachwe.

[[Denis Mfupi]] alipoanzisha [[hesabu]] ya miaka kuanzia ujio wa [[Kristo]], alipanga [[mwaka]] uanze tarehe hiyo muhimu hivyo. [[Mwanzo wa mwaka]] ulihamia tarehe [[1 Januari]] katika [[karne ya 16]].

Ni kwamba kwa [[imani]] hiyo, ndilo tukio la [[Neno wa Mungu]] kutwaa [[mwili]] [[Tumbo|tumboni]] mwa Bikira Maria na kuanza kuwa [[binadamu]] (kwa [[msamiati]] wa [[teolojia]]: Umwilisho). Hivyo, katika utimilifu wa nyakati, kwa uwezo wa Roho Mtakatifu, Mwana pekee na wa milele wa Mungu alifanyika mtu kwa ajili ya watu na kwa [[wokovu]] wao.

Ndiyo sababu tukio hilo linakumbukwa mfululizo, kwa mfano kwa [[sala]] ya [[Salamu Maria]], kwa ile ya [[Malaika wa Bwana]], kwa [[Akatistos]] n.k.

Pia [[sanaa]] zimetumika sana kutokeza mshangao wa waamini kwa habari hiyo ya ajabu kuliko zote.

==Picha==
<gallery widths="200px" heights="200px">
File:The Annunciation - Johann Christian Schröder - Google Cultural Institute.jpg|''Kupashwa Habari'' kadiri ya [[Johann Christian Schröder]], [[1690]] hivi
File:Paolo de Matteis - The Annunciation.jpg|''Kupashwa Habari'' kadiri ya [[Paolo de Matteis]], [[1712]], [[Saint Louis Art Museum]], [[Saint Louis]], [[Marekani]].
</gallery>

==Tanbihi==
{{marejeo}}

==Viungo vya nje==
{{Commons category|Annunciation}}
* [http://www.icon-art.info/topic.php?lng=en&top_id=11 The Annunciation Icons]
* [http://www.arts.magic-nation.co.uk/annunciation1.htm  The Annunciation at art-threads]
{{Bikira Maria}}
{{mbegu-Ukristo}}
[[Jamii:Yesu Kristo]]
[[Jamii:Bikira Maria]]
[[Jamii:Sikukuu za Ukristo]]
[[Jamii:Rozari]]