Tazama chanzo cha Birgita wa Uswidi

[[File:St Brigitta 1476.jpeg|thumb|right|Brigita akiwa amevaa [[kanzu]] na [[taji]] la shirika lake.]]
'''Birgita wa Uswidi''' ([[Finsta]], [[Uswidi]], [[3 Juni]] [[1303]] – [[Roma]], [[Italia]], [[23 Julai]] [[1373]]) alikuwa [[Ukristo|Mkristo]] wa [[Utawa wa Tatu wa Mt. Fransisko]], halafu [[mwanzilishi]] wa [[shirika la Mwokozi Mtakatifu]].

Alitangazwa [[mtakatifu]] na [[Papa Bonifasi IX]] mwaka [[1391]], halafu [[msimamizi]] mmojawapo wa [[Ulaya]] na [[Papa Yohane Paulo II]] mwaka [[1999]].

[[Sikukuu]] yake huadhimishwa [[tarehe]] [[23 Julai]]<ref>[[Martyrologium Romanum]]</ref>.

== Maisha ya awali ==
Birgita alizaliwa huko [[Finsta]], katika mkoa wa [[Uppland]] ([[Uswidi]]), katika [[familia]] ya watemi. 

Sehemu ya kwanza ya [[maisha]] yake ni ya [[mke]] mwenye [[Mtoto|watoto]] 8, ambao wa pili kati yao anaheshimiwa pia kama mtakatifu [[Katerina wa Uswidi]]. Kwa mifano na maneno yake alimhimiza [[mume]] wake, sharifu Ulf Gudmarsson, kuishi maisha ya imani ya dhati; pamoja naye alisoma [[Biblia]], alianzisha [[hospitali]] na kuhudumia [[maskini]]. 

Kutokana na kipaji chake kama [[malezi|mlezi]] aliitwa kwenye [[ikulu]] huko [[Stockholm]], na hatimaye alifanya [[hija]] huko [[Santiago wa Compostela]] ([[Hispania]]).

== Baada ya kufiwa ==
Kisha kufiwa mume wake mwaka [[1344]] alijisikia kuhama nchi yake ili kuanza [[utume]] mpya akahamia [[Roma]] (1349). 

Baada ya kuhiji mahali pengi [[Italia]], kati ya miaka [[1371]] na [[1372]] alitembelea [[Nchi Takatifu]], alipojionea mahali alipoishi [[Yesu]].

Alisema kuwa huko [[Yerusalemu]] alipewa [[ujumbe]] wa [[Bikira Maria]] wa kurudi [[Ulaya]]. 

Huko aliwatabiria matukio Ma[[papa]] na [[Mfalme|wafalme]] na kuwaonya vikali hata kwa [[maandishi]] kuhusu [[Urekebisho wa Kikatoliki|urekebisho]] wa [[maadili]] ya [[Ukristo|Wakristo]] wote, kuanzia Papa mwenyewe, akidai anawasiliana na [[Yesu Kristo]]<ref>https://www.santiebeati.it/dettaglio/28400</ref>.

Kutokana na [[mafumbo]] hayo alitunga [[sala]] 15 zilizoenea sana hadi leo.

==Mojawapo kati ya Sala 15 alizozitunga==
Usifiwe, Bwana wangu Yesu Kristo, kwa kuwahi kutabiri kifo chako,
kwa kugeuza kwa namna ya ajabu, katika karamu ya mwisho,
mkate wa kawaida uwe mwili wako mtukufu,
kwa kuwagawia mitume kwa upendo
kama ukumbusho wa mateso yako mastahivu,
kwa kuwaosha miguu kwa mikono yako mitakatifu na azizi,
ukionyesha hivyo ukuu usio na mipaka wa unyenyekevu wako.

Heshima kwako, Bwana wangu Yesu Kristo,
kwa kutoka jasho la damu katika mwili wako usio na kosa
kwa hofu ya mateso na kifo,
na kwa kutekeleza hata hivyo ukombozi wetu uliotamani kuutimiza,
ukionyesha hivyo wazi upendo wako kwa binadamu.

Usifiwe, Bwana wangu Yesu Kristo, kwa kupelekwa kwa Kayafa
na kuruhusu kwa unyenyekevu wako uhukumiwe na Pilato,
wewe uliye hakimu wa wote.

Utukufu kwako, Bwana wangu Yesu Kristo, kwa kudhihakiwa pale ambapo,
kisha kuvikwa nguo ya zambarau, ulitiwa taji la miba mikali sana,
na kwa kuvumilia kwa subira isiyo na mipaka kwamba
uso wako mtukufu ujae mate, macho yako yafunikwe,
mashavu yako yapigwe kwa nguvu na mikono ya kikafiri ya watu waovu.

Sifa kwako, Bwana wangu Yesu Kristo,
kwa kuruhusu kwa uvumilivu mkubwa ufungwe kwenye nguzo,
upigwe mijeledi kinyama,
upelekwe mahakamani kwa Pilato umejaa damu,
uonekane kama mwanakondoo asiye na kosa anayepelekwa machinjoni.

Heshima kwako, Bwana wangu Yesu Kristo,
kwa kukubali kuhukumiwa katika mwili wako mtakatifu,
uliojaa tayari damu, ufe msalabani;
kwa kubeba kwa uchungu msalaba juu ya mabega yako matakatifu,
na kwa kutaka kupigiliwa misumari katika mbao za adhabu,
kisha kuburutwa kikatili hadi mahali pa mateso na kuvuliwa nguo zako.

Heshima kwako, Bwana Yesu Kristo,
kwa kuelekeza kwa unyenyekevu, kati ya mateso hayo,
macho yako yaliyojaa upendo na wema kwa Mama yako mstahivu sana,
ambaye hajawahi kupatwa na dhambi
wala kukubali kosa dogo namna gani,
na kwa kumfariji ukimkabidhi kwa ulinzi mwaminifu wa mwanafunzi wako.

Uhimidiwe milele, Bwana wangu Yesu Kristo,
kwa kuwapa wakosefu wote, wakati wa kihoro chako,
tumaini la msamaha ulipomuahidia kwa huruma
utukufu wa paradiso mhalifu aliyekukimbilia.

Sifa ya milele kwako, Bwana wangu Yesu Kristo,
kwa kila saa uliyovumilia msalabani kwa ajili yetu wakosefu
machungu na mateso makubwa kabisa;
kwa kuwa uchungu mkali sana wa majeraha yako
ulikuwa ukipenya vibaya mno roho yako yenye heri
na kuchoma kikatili moyo wako mtakatifu sana,
mpaka pale ambapo, moyo ukishindwa kazi, ulitoa kwa heri roho yako
na, kisha kuinamisha kichwa,
uliikabidhi kwa unyenyekevu wote mikononi mwa Mungu Baba,
ukabaki mfu, ukiwa na mwili baridi.

Usifiwe, Bwana wangu Yesu Kristo,
kwa kukomboa roho za watu kwa damu yako azizi
na kwa kifo chako kitakatifu sana,
na kwa kuzirudisha kwa huruma katika uzima wa milele toka uhamishoni.

Usifiwe, Bwana wangu Yesu Kristo,
kwa kukubali mkuki ukuchome ubavu na moyo kwa wokovu wetu,
na kwa damu azizi na maji
vilivyobubujika kutoka ubavu huo kwa ukombozi wetu.

Utukufu kwako, Bwana wangu Yesu Kristo,
kwa kutaka mwili wako mbarikiwa ushushwe toka msalabani
kwa mikono ya marafiki wako,
ukabidhiwe mikononi mwa Mama mwenye huzuni na kuvikwa naye,
halafu ufungwe katika kaburi na kulindwa na askari.

Heshima ya milele kwako, Bwana wangu Yesu Kristo,
kwa kufufuka kutoka wafu siku ya tatu
na kwa kukutana hai na wale uliowachagua;
kwa kupaa mbinguni, siku arubaini baadaye, ukitazamwa na wengi
na kwa kutawaza huko juu kwa heshima marafiki wako uliowatoa kuzimu.

Shangwe na sifa ya milele kwako, Bwana Yesu Kristo,
kwa kumtuma Roho Mtakatifu mioyoni mwa wanafunzi
na kwa kushirikisha roho zao upendo mkuu wa Kimungu.

Uhimidiwe, usifiwe na kutukuzwa milele, Bwana wangu Yesu,
uliyeketi katika kiti che enzi kwenye ufalme wako wa mbinguni,
katika utukufu wa enzi yako,
mwenye mwili hai pamoja na viungo vyako vitakatifu vyote,
ulivyovitwaa kutoka mwilini mwa Bikira.

Hivyo utakuja siku ya hukumu
uhukumu roho za wote walio hai na waliokufa:
wewe unayeishi na kutawala pamoja na Baba na Roho Mtakatifu
daima na milele. Amina.

==Tazama pia==
*[[Watakatifu wa Agano la Kale]]
*[[Orodha ya Watakatifu Wakristo]]
*[[Orodha ya Watakatifu wa Afrika]]
*[[Orodha ya Watakatifu Wafransisko]]

==Tanbihi==
{{reflist}}

==Marejeo==
* Duffy, Eamon (1992). ''The stripping of the altars: Traditional religion in England, c.1400 - c.1580''. New Haven: Yale University Press. ISBN 978-0-300-05342-5
* Schiller, Gertrud; Seligman, Janet (1971). ''Iconography of Christian Art, Vol. I: Christ's incarnation, childhood, baptism, temptation, transfiguration, works and miracles,'' (English trans from German). London: Lund Humphries. {{OCLC|59999963}}
{{Refend}}

== Viungo vya nje ==
{{Commons category| Birgitta of Sweden}}
{{Wikisource|Saint Birgitta}}
{{Wikisource1911Enc|Bridget of Sweden, Saint}}
*[http://www.brigidine.org/Brigidine/preparePage.do?lang=it Tovuti rasmi ya masista Wabirgita] {{Wayback|url=http://www.brigidine.org/Brigidine/preparePage.do?lang=it |date=20070728131455 }}
* [http://birgitta.vadstena.se/ Saint Birgitta] {{Wayback|url=http://birgitta.vadstena.se/ |date=20040608114511 }} Official website
* [http://www.prophecyfilm.com/book1.htm Text of ''The Revelations of Saint Bridget of Sweden''] {{Wayback|url=http://www.prophecyfilm.com/book1.htm |date=20100126061517 }} in English
* [http://www.umilta.net/birgitta.html Saint Birgitta of Sweden], with a link to her ''Revelationes'' in [[Latin]]
{{mbegu-Mkristo}}
[[Jamii:Waliozaliwa 1303]]
[[Jamii:Waliofariki 1373]]
[[Jamii:Wafransisko]]
[[Jamii:Watawa waanzilishi]]
[[Jamii:Watakatifu wa Uswidi]]