Muungo metali

Kutoka Wikipedia, kamusi elezo huru
Rukia: urambazaji, tafuta
Muungo au mbabadi metali hupatikana katika metali kama kupri kutokana na kani kati ya elektroni huria yenye chaji ya hasi na viini vya atomi vyenye chaji ya chanja.

Muungo metali (pia: mbabadi metali) ni namna jinsi atomi za metali zinavyoskikana. Kani hii yatokana na elektroni huria zinazotembea kati ya atomi na kuvutwa na ioni za kiini.

Kwa metali elektroni za mzingo elektroni wa nje hazishikwa sana na kiini hivyo ni rahisi kuachana na atomi asilia na kuzunguka katika metali yote. Viini vya atomi vyenye chaji ya chanja vinajipanga katika mfumo maalumu unaofanana na fuwele. Elektroni zazunguka katika mfumo huu kama wingu.

Halii hii ya kuwa na elektroni huria yaeleza tabia za metali kama vile kuwa wayaikaji, kung'aa na kupitisha joto pia umeme kirahisi. Elektroni huria zapitisha nichati kama joto au umeme haraka na nyepesi ndani ya metali - tofauti na dutu ambako kila elektroni yashikwa imara katika atomi yake.