La Pérouse

Kutoka Wikipedia, kamusi elezo huru
Rukia: urambazaji, tafuta
Ramani ya mlangobahari iliyochorwa na La-Pérouse

La Pérouse (Kijapani: Soya) ni jina la mlangobahari unaotenganisha visiwa vya Japani na Urusi. Upande wa kusini kipo kisiwa cha Hokkaido (Japani) na upande wa kaskazini kisiwa cha Sakhalin (Urusi).

Unaunganisha bahari ya Japani na bahari ya Okhotsk. Sehemu nyembamba ya mlangobahari ina upana wa kilomita 43. Kina cha maji hakizidi mit 40.

Jina la mlangobahari limetokana na mpelelezi Mfaransa Jean-François de La Pérouse, aliyepita hapa mwaka 1787 akachora ramani ya kwanza ya sehemu hii na kuandika habari zake.