Zamaradi Mketema

Kutoka Wikipedia, kamusi elezo huru
Jump to navigation Jump to search

Katika kigezo hiki unataja tarehe YYYY|MM|DD maana yake ni 1999|10|24 kwa maana "24 Oktoba 1999"

Zamaradi Mketema
Amezaliwa Oktoba 4, 1985(1985-10-04)
Dar es Salaam, Tanzania
Nchi Mtanzania
Kazi yake Mtangazaji
Watoto 3

Zamaradi Mketema (amezaliwa tarehe 4 Oktoba 1985) ni mtangazaji wa redio na televisheni kutoka Tanzania aliyepata umaarufu kwa utangazaji wake kwenye kipindi cha Take One kilichokuwa kikirushwa na kituo cha televisheni cha Clouds Tv [1].

Maisha na elimu

Zamaradi Mketema alizaliwa Mkoa wa Dar es Salaam na baadaye kuanza shule ya msingi katika Shule ya Muhimbili. Alianza masomo ya Sekondari katika Shule ya Kiislam ya Wasichana Kunduchi (Kunduchi Girls Islamic High School) kisha kujiunga na Shule ya St Mary’s International Mbezi Beach ambapo alimaliza Form Four hapo na baadaye kujiunga na Green Acres kwa elimu ya Kidato cha Tano na Sita, hata hivyo hakuweza kumaliza shuleni hapo; alihama na kujiunga na Shule ya Hillside High International School iliyopo Bunamwaya, Uganda na baadaye kurudi Tanzania alipomaliza Form six katika shule ya Cambridge.

Alijiunga na Chuo Kikuu cha Mt. Augustino tawi la Mwanza alipokuwa akichukua Bachelor of Arts in Mass Communication. Akiwa chuoni aliweza kushiriki mashindano ya kumtafuta Miss Mwanza mwaka 2007 na kuweza kushika nafasi ya kwanza lakini hakuweza kuendelea na mashindano hayo ya urembo baada ya kukatazwa na Baba yake mzazi kwa sababu za kidini[2].

Kazi yake/Kipaji chake

Zamaradi Mketema alianza kuwa mtangazaji kwenye kituo cha Televisheni cha C2C kipindi cha mwaka 2007 hadi 2008.

Mbali na utangazaji pia alitoa filamu ya kwanza iliyoitwa Nzowa, kisha mwaka 2014 alifanikiwa kutoa filamu yake ya Kigodoro aliyowashirikisha wasanii wengi wa Tanzania na kufanikiwa kushinda kwenye tuzo za watu kama filamu bora ya mwaka, lakini pia alitengeneza documentary inayofahamika kama neno la mwisho inayohusu maisha ya marehemu Steven Kanumba ambayealikuwa muigizaji mkubwa Tanzania[3].

Mahusiano

Zamaradi ana watoto watatu: kati ya hao wawili aliwapata kabla hajafunga ndoa ambao alizaa na Ruge Mutahaba, na mmoja aliyempata kwenye ndoa iliyofungwa mwaka 2017n[4].

Marejeo

People.svg Makala hii kuhusu mtu huyo bado ni mbegu.
Je, unajua kitu kuhusu Zamaradi Mketema kama wasifu wake, habari za maisha au kazi yake?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.