Zack Orji

Zachee Ama Orji (aliyezaliwa mwaka 1960) ni mwigizaji wa Nigeria mzaliwa wa Gabon, mkosoaji wa maigizo, mkurugenzi, mtayarishaji na mtengenezaji wa filamu anayejulikana kwa jukumu lake katika filamu za Nollywood kama vile Glamour Girls na Blood Money. Kando na uigizaji, Orji ni mhubiri. Yeye ni mzaliwa wa Amata Mgbowo katika Serikali ya Mtaa wa Agwu, Jimbo la Enugu. Jina la Baba yake ni Lionel Chukwuemeka Orji. Jina lake la kati ni "Amaefuna" ambalo linamaanisha "Ardhi/urithi usipotee."

Maisha

Zachee Ama Orji alizaliwa Libreville, Gabon kutokana na babake kusafiri mara kwa mara. Alilelewa Kamerun, Benin na Togo ambako alijifunza kuzungumza Kiingereza na Kifaransa kwa ufasaha. Yeye ndiye mkubwa katika familia ya watoto saba, wasichana watano na wavulana wawili.

Elimu

Orji ni mhitimu wa Chuo Kikuu cha Nigeria, Nsukka, katika Jimbo la Enugu. Alisomea Estate Management na kupata BSc.

Taaluma na Kazi

Filamu yake ya kwanza ilikuwa mwaka wa 1991 iliyoitwa Unforgiven Sin. Katika mahojiano na Nollywood Post, Zack Orji alielezea jinsi alivyopata jukumu kuu katika filamu bila kukaguliwa. Tangu wakati huo, Orji ameigiza katika filamu tofauti na sasa ni gwiji wa Nollywood. Yeye pia ni mwimbaji na mhubiri wa neno la Mungu tangu alipompata Kristo.

Mnamo mwaka 2000, Zack Orji alicheza kwa mara ya kwanza katika uongozaji wa filamu iliyoitwa WEB yeye mwenyewe alishiriki pamoja na mwigizaji wa Ghana, Kalsoume Sinare. Filamu hiyo ilishinda filamu shirikishi bora zaidi katika tuzo za Ghana za mwaka 2001.

Mnamo 2022, Zack alitangaza kumuunga mkono Tinubu kuwa rais katika uchaguzi wa urais wa 2023. Ameshiriki katika filamu zaidi ya 250 za nollywood. Filamu yake ya mwaka wa 1994, Glamour Girls, ilimvutia zaidi, na tangu wakati huo amechukuliwa kuwa mmoja wa waigizaji mashuhuri wa Nollywood.

Orodha ya Filamu

• Unforgiven Sin (1991)
• Living in Bondage (1992)
• Iva (1993)
• Living in Bondage 2 (1993)
• Glamour Girls(1994) kama Fred
• Nneka the Pretty Serpent (1994)
• Rattle Snake (1995)
• True Confession (1995)
• Brotherhood of the Darkness (1995) kama Pastor Josiah
• Blood on My Hands (1996)
• Deadly Passion (1996)
• Glamour Girls 2 (1996)
• Silent Night (1996)
• Love in Vendetta (1996)
• Abandon (1997)
• Blood Money (1997) kama Mike Mouka
• Blood Vapour (1997)
• Desperate & Dangerous (1997)
• Dead End (1997)
• Deadly Affair II (1997)
• Garbage (1997)
• Golden Fleece (1997)
• Diamond Ring 2 (1998)
• Evil Men (1998)
• Karishika (1998)