Yvonne Tsikata
Yvonne Tsikata ni mtaalamu wa uchumi kutoka nchini Ghana.
Kwa sasa anahudumu kama Makamu wa Rais na Katibu Mkuu wa Benki ya Dunia. Awali alihudumu kama mkuu wa watumishi na Mkurugenzi wa Ofisi ya Rais wa shirika la Benki ya Dunia.[1]
Yvonne pia alikuwa mkurugenzi wa sekta ya Upunguzaji wa Umaskini na Idara ya Usimamizi wa Uchumi katika Kanda ya Ulaya na Asia ya Kati.
Maisha ya awali na Elimu
[hariri | hariri chanzo]Tsikata alipata elimu ya sekondari katika Wesley Girls' High School. Ana shahada ya kwanza kutoka Bryn Mawr College huko Pennsylvania, Marekani. Alipata shahada ya uzamili katika Uchumi kutoka New York University.
Kazi
[hariri | hariri chanzo]Yvonne alianza kazi yake kama mhadhiri wa nadharia ya fedha na nadharia ya uchumi mkuu (macroeconomic theory) katika New York University. Alifanya kazi pia katika Shirika la Ushirikiano wa Kiuchumi na Maendeleo (OECD) mjini Paris na katika Chuo Kikuu cha Umoja wa Mataifa, hususan katika World Institute for Development Economics Research (WIDER) mjini Helsinki.[2]
Yvonne alijiunga na World Bank Group mwaka 1991. Kabla ya kujiunga na ofisi ya Rais wa Benki ya Dunia mnamo Septemba 2013, Tsikata alikuwa Mkurugenzi wa Sera za Kiuchumi katika kanda ya Ulaya na Asia ya Kati.[3] Aliwahi pia kuhudumu kama Mkurugenzi wa Nchi kwa eneo la Karibiani katika kanda ya Amerika ya Kusini.[4][5] Alitembelea Haiti kwa niaba ya Benki ya Dunia baada ya tetemeko la ardhi lililoikumba nchi hiyo.
Mnamo mwaka 1998 na 2001, akiwa katika likizo ya kazi kutoka World Bank Group, alihudumu kama mtafiti mwandamizi katika Economic and Social Research Foundation (ESRF) jijini Dar es Salaam, Tanzania; kama mshauri wa Shirika la Ushirikiano wa Kiuchumi na Maendeleo (OECD) mjini Paris; na katika World Institute for Development Economics Research (WIDER) ya United Nations University huko Helsinki.[6]
Marejeo
[hariri | hariri chanzo]- ↑ "World Bank, IMF officials pray for smooth event in Bali". The Jakarta Post (kwa Kiingereza). Iliwekwa mnamo 2019-03-02.
- ↑ Yvonne Tsikata: First shock of second wave of crisis not to affect Armenia". armenpress.am. 18 October 2011.
- ↑ "Yvonne Tsikata, Intl Bank Reconstruction & Dev: Profile and Biography - Bloomberg Markets". Bloomberg.com. Iliwekwa mnamo 2020-11-14.
- ↑ Norway $$ can't be released until steering committee says so – World Bank". Stabroek News. 10 December 2010.
- ↑ World Bank funds Dominican Republic's energy project". Devex. 20 May 2008.
- ↑ https://www.researchgate.net/scientific-contributions/Yvonne-M-Tsikata-9397536