Wikipedia:2021 Told Cities Tanzania

Told Cities Tanzania 2021 ni mradi unaolenga kuandika, kuhariri, kuboresha na kuongeza maudhui kuhusu miji mikongwe nchini Tanzania ambayo kiujumla inatambulika na shirika la UNESCO kuwa ni urithi wa Dunia ikiwa ni pamoja na majengo yake. Mradi huu pia unahusisha kuhariri na kuongeza maelezo kwa Kiswahili katika mradi wa Wikidata kuhusu mada hiyohiyo ya miji, majengo ya zamani nchini Tanzania pamoja na majumba ya makumbusho.

Mradi huu unafanyika Tanzania kwa kushirikiana na Kundi la wahariri wa Wikipedia hapa Tanzania na lile la Wiki World Heritage User Group ambao ni kundi la watumiaji wanaojikita katika kuingiza habari za Orodha ya Urithi wa Dunia ya UNESCO katika miradi ya Wikimedia.

Nchini Tanzania majengo ya kale yanayotambulika na UNESCO yanapatikana katika mji mkongwe wa Zanzibar (Zanzibar Stone Town) na pia Kilwa Kisiwani.

Shughuli za mradi huu

Washiriki wa mradi huu wanatakiwa kufanya kazi kuu za aina mbili:

1. Moja ni kuhariri/kutafsiri makala kutoka Kiingereza kuja Kiswahili, kuboresha makala zilizopo kwa kuongeza picha, na kuhariri maelezo katika Wikidata.
2. Pili ni wapiga picha kupakia picha mbalimbali za maeneo yoyote nchini Tanzania; picha hizo zinatakiwa kulenga majengo au majumba ya sanaa ya kihistoria ambayo kwa namna fulani huchukuliwa kama ni urithi wa nchi au Dunia kwa ujumla.

Orodha ya makala za kuzifanyia kazi

Mradi huu unalenga kuongeza makala katika Wikipedia hii ya Kiswahili kuhusu maeneo/majengo mbalimbali ya kihistoria yanayotambuliwa katika orodha ya UNESCO. Tovuti ya UNESCO (angalia hapa) inataja majengo 10 za Mji Mkonge lakini inatambua Mji Mkongwe kwa jumla ukiwa pamoja na majengo mengine ya kihistoria.

Sheria ya Zanzibar imeorodhesha majengo 26 kama majengo ya kihistoria ya daraja la kwanza (Town and Country Planning Decree ya 1994; orodha iko uk. 10, Table 4: Grade I listed buildings in the Stone Town), nayo yanaorodheshwa hapo chini. Ramani ya Mji Mkonge inayoonyesha majengo hayo iko hapa.

Katika hatua ya kwanza inawezekana kutafsiri makala kutoka orodha ya Wikipedia ya Kiingereza en:List_of_landmarks_in_Stone_Town, ukiangalia makala zinazohusu majengo yanayotajwa na UNESCO au Sheria ya Zanzibar.

Orodha ya majengo yanayotazamiwa kufanyiwa kazi katika mradi wa Told Cities in Tanzania 2021 (kufuatana na Town and Country Planning Decree ya 1994)

Jina la Kiingereza	Jina la Kiswahili	Namba (Msimbo) ya Wikidata
Kilosa House	Nyumba ya Kilosa, Zanzibar
Former British Consulate	Ubalozi Mdogo wa Uingereza, Zanzibar
Mambo Msiige House	Nyumba ya Mambo Msiige
Tippu Tip House	Nyumba ya Tippu Tip, Zanzibar
Tembo House	Nyumba ya Tembo, Zanzibar
Beit al-Ajaib	Jumba la Maajabu
Old Fort	Ngome Kongwe, Zanzibar
People's Palace	Jumba la Sultani, Zanzibar
Royal Tombs	Makaburi ya Masultani, Zanzibar
Aga Khan Mosgue	Aga Khan Jamaat Khana, Zanzibar
Royal Baths	Bafu za Kisultani, Zanzibar
Hindu Temple	Hekalu la Kihindu, Zanzibar
StJoseph's Cathedral	Kanisa kuu la Mtakatifu Yosefu, Zanzibar
High Court	Mahakama Kuu, Zanzibar
State House	Ikulu ya Zanzibar
Mnazi Mmoja Hospital	Hospitali ya Mnazi Mmoja, Zanzibar
Peace Memorial	Makumbusho ya Amani, Zanzibar
Hamamni Baths	Bafu za Hamami, Zanzibar
Minaret of the Shia Ithnasheri Mosgue	Mnara wa Msikiti wa Shia Ithnasheri, Zanzibar
Anglican Cathedral	Kanisa la Kristo, Zanzibar
Market Building	Soko la Darajani, Zanzibar
Darajani Chawl	Darajani Chawl, Zanzibar
Khoja Ismaili Charitable Musafarkhana	Khoja Ismaili Musafarkhana, Zanzibar
OId Dispensary	Zahanati Kongwe, Zanzibar
Bharmal Building	Jengo la Bharmal, Zanzibar
Malindi Mnara Mosgue	Msikiti wa Malindi, Zanzibar

Sehemu za ziada katika Mji Mkongwe

Jina la Kiingereza	Jina la Kiswahili	Namba (Msimbo) ya Wikidata
en:Forodhani Gardens	Bustani za Forodhani, Zanzibar
NN	SS

Kwa Zanzibar tutumie jamii (categories) hizi: [[Jamii:Urithi wa Dunia katika Zanzibar]] [[Jamii:Wilaya ya Mjini Unguja]]; kama ni jumba la makumbusho, tutumie pia: [[Jamii:Makumbusho ya Tanzania]]

Sehemu nyingine ni maghofu ya Kilwa Kisiwani na Songo Mnara (Ruins of Kilwa Kisiwani and Ruins of Songo Mnara); (ukurasa wa UNESCO hapa). Makala ya enwiki en:Kilwa_Kisiwani ina maelezo mafupi kuhusu majengo kadhaa pamoja na kuonyesha vyanzo vinavyoweza kusaidia kutunga makala, lakini wachangiaji watahitaji kufanya utafiti wa undani zaidi.

Tuzo kwa Washiriki

Mradi huu utatoa tuzo kwa washiriki hai kama ifuatavyo:

• 150USD, 100USD, na 50USD kwa wahariri bora watatu wa kwanza na
• 150USD, 100USD, na 50USD kwa wapigapicha bora watatu wa kwanza.