Wentworth Miller

Wentworth Miller
Wentworth mnamo Septemba 2011
Amezaliwa	2 Juni 1972 (1972-06-02) Chipping Norton, Oxfordshire, Uingereza
Miaka ya kazi	1998–hadi leo

Wentworth Earl Miller III (amezaliwa tar. 2 Juni 1972) ni mwigizaji wa filamu wa Kimarekani-Kiingereza, aliyetunukiwa tuzo ya Golden Globe akiwa kama mwigizaji bora wa filamu na tamthiliya. Amejizolea umaarufu mkubwa baada ya kucheza kama Michael Scofield kutoka katika tamthilia ya Prison Break iliyokuwa inarushwa hewani na televisheni ya FOX Network.

Maisha yake na wasifu

Maisha ya awali

Miller alizaliwa Chipping Norton, Oxfordshire, Uingereza, ambapo baba yake alikuwa akiishi huku akisoma katika chuo cha Oxford. Familia yake baadae ilihamia Park Slope, Brooklyn, New York, kipindi ana mwaka mmoja. Ana madada wawili, Leigh na Gillian. Alipata elimu yake pale Midwood High School iliyopo Brooklyn, New York USA. Alihitimu masomo yake katika Chuo cha Princeton akiwa na shahada ya Fasihi ya Kiingereza.

Katika mahojiano, Miller alibainisha kuwa asili yake ni mchanganyiko. Akimaanisha kuwa baba yake ni Mmarekani-Mwafrika, Muingereza, Muitalia, Mjerumani na nusu Mcherokee na mama yake ni Mrusi, Mfaransa, Mdachi na Msyria.

Maisha ya Uigizaji

Miller kwa mara ya kwanza aliigiza nafasi ya nyota kama David katika tamthilia fupi Dinotopia ya ABC. Baada ya kuonekana katika maigizo tofauti tofauti ya kwenye runinga, alihamia kwenye filamu ya mwaka 2003 The Human Stain akicheza nafasi ya nyota msaidizi. Aliigiza kama Anthony Hopkins kijana. Miller alianza kuonekana kwenye runinga kwenye tamthilia ya Buffy the Vampire Slayer (Go Fish 1998).

Mwaka 2005, Miller alicheza kama Michael Scofield kwenye tamthilia ya Prison Break ya FOX Network. Amigiza kama kaka anayemjali nduguye kwa kuandaa na kufanikisha mpango mzima wa kumtorosha jela kaka yake Lincoln Burrows ili kumuepusha na adhabu ya kifo aliyohukumiwa kimakosa. Umahiri aliouonyesha kwenye tamthilia hiyo ulipelekea kujipatia tuzo ya Golden Globe 2005 kwa kuchaguliwa kuwa Muigizaji Bora wa Kiume Kwenye Tamthilia. Miller ameonekana kwenye video mbili za muziki za mwanadada Mariah Carey na alipata mchango mkubwa kutoka kwa Carey kutokana na video ya nyimbo We Belong Together. Miller anadai kuwa umahiri wa video hiyo umechangia kwa kiasi kikubwa kuwashawishi waandaaji kumpa nafasi ya nyota kwenye tamthilia iliyojizolea umaarufu ya Prison Break. Anasema, "Mariah ni maarufu kimataifa. Siku mbili nilizokuwa naigiza kwenye video zake zimenisaidia sana kisanaa, zimenitangaza zaidi kuliko jambo lolote nililowahi kulifanaya kabla ya Prison Break. Ninashukuru sana kwa nafasi ile."

Filamu

Mwaka	Jina	Kama	Maelezo
Tamthilia
1998	Buffy the Vampire Slayer	Gage Petronzi	Season 2, episode 20: "Go Fish"
2000	ER	Mike Palmieri	Season 7, episode 1: "Homecoming"
2000	Time of Your Life	Nelson	Season 1, Episode 6: "The Time the Truth Was Told" Season 1, Episode 11: "The Time They Got E-Rotic"
2002	Dinotopia	David Scott	Tamthilia fupi
2005	Ghost Whisperer	Sgt. Paul Adams	Season 1, episode 1: pilot
2005	Joan of Arcadia	Ryan Hunter	Season 2, episode 21: "Common Thread" Season 2, episode 22: "Something Wicked This Way Comes"
2005–Sasa	Prison Break	Michael Scofield	Tamthilia
Filamu
2001	Room 302	Server #1	Filamu fupi
2003	Underworld	Dr. Adam Lockwood
2003	The Human Stain	Coleman Silk mdogo
2005	Stealth	voice of EDI
2005	The Confessions	Prisoner	Short film
Video za Miziki
2005	"It's like That"	Mysterious love interest	Video ya Muziki ya Mariah Carey
2005	"We Belong Together"	Mysterious love interest	Video ya Muziki ya Mariah Carey

Viungo vya nje

• Wentworth Miller at the Internet Movie Database
• Wentworth Miller katika Movies.com
• Wentworth Miller's biography Ilihifadhiwa 14 Aprili 2009 kwenye Wayback Machine. at Prison Break's official website
• Interview with Wentworth on WHO.com Ilihifadhiwa 27 Septemba 2007 kwenye Wayback Machine.