Uweza Foundation

Uweza Foundation ni shirika lisilo la kiserikali ambalo linafanya kazi ya kukuza maendeleo ya binadamu katika mtaa wa mabanda wa Kibera jijini Nairobi, Kenya. Lilianzishwa mwaka wa 2008 na limesajiliwa nchini Marekani kama shirika la 501(c)3.Linaongozwa na mwigizaji Rooney Mara

Uweza limepewa jina kutokana na neno la Kiswahili ambalo linamaanisha fursa, uwezo na uwezeshaji.

Historia

Uweza Foundation ilianzishwa mwaka wa 2008. Mwanzilishi wake alikuwa amehamia nchini na kuolewa na mwanamume wa huko baada ya kutembelea Kenya kwa ajili ya kujitolea katika makao ya watoto katika kituo cha watoto kilichoko katika mtaa wa mabanda wa Kibera.

Mnamo Januari 2011, Uweza Foundation ilishirikiana na Faces of Kibera, shirika la hisani lililoanzishwa na Rooney Mara.Faces of Kibera ililenga kutoa makazi, chakula, na huduma za matibabu kwa mayatima kwa kujenga kituo cha watoto yatima katika eneo hilo. Shirika hilo lilipata msaada wa michango kutoka kwa timu za NFL chini ya uongozi wa Mara.Mara alikuwa ameanza shirika hilo baada ya kutembelea eneo hilo kama mfanyikazi wa kujitolea mwaka wa 2006,ambapo aliguswa na hali ya mayatima,wengi waliokuwa wamepoteza wazazi kutokana na UKIMWI na magonjwa yanayohusiana na VVU.Alianzisha shirika lake kutokana na kuchoshwa na ongezeko la mashirika yasiyo ya kiserikali ambayo alihisi kwamba yalikuwa yanatafuta faida za biashara tu: "The people who need help aren't really getting it.So I started my own " aliambia jarida la Interview mwaka wa 2009.Uweza Foundation inaendelea kusimamiwa na Mara ambaye anahudumu kama rais wa bodi ya wakurugenzi wa shirika hilo.

Mnamo 2022, Uweza Foundation ilishirikiana na ROAM Gallery na Xtina Parks kuonyesha kazi za wasanii wa Kibera katika Jumba la Museum of Contemporary Art huko Massachusetts.

Maeneo ya kuzingatia

Shirika hilo linafanya kazi kuwawezesha wakazi wa Kibera, hasa wanawake na vijana, kupitia programu za elimu zinazolenga kusaidia kukuza vipaji vya wasanii wachanga na kuwasaidia wasanii kujikimu kimaisha kupitia masoko ya kazi zao za sanaa.Shirika hilo pia limejikita katika kuwawezesha wanawake na wasichana kwa kushughulikia changamoto zinazowakabili wasichana balehe katika eneo la Kibera.Pia lina eneo maalum linalowawezesha wanafunzi ambao hawana umeme majumbani mwao kusoma nje ya shule na kufadhili timu ya soka ya vijana.

Uweza Gallery

Kama mojawapo ya shughuli zake,shirika hilo lilianzisha Uwezo Gallery katika eneo la Olympic Estate, Kibera mwaka wa 2012.Jumba hilo la sanaa linaonyesha kazi za wasanii wa eneo hilo na pia linakuza vipaji vipya vinavyochipukia.Limewawezesha wasanii wachanga kufadhili elimu yao kupitia sanaa.Awali,jumba hilo lilikuwa katika kontena la mizigo la zamani, lakini lilihamishwa mwezi Januari mwaka wa 2019.

Janga kubwa la virusi vya korona

Wakati wa janga la virusi vya korona, Uweza ilishirikiana na washirika kutoka sekta binafsi kuanzisha mpango wa kukuza usafi wa mazingira katika makazi yasiyo rasmi kama vile Kibera na kutoa barakoa za kisanii bila malipo kwa wakazi iliyoundwa na msanii wa eneo hilo.Shirika hilo pia lilishirikiana na wasanii kutoka Uweza Gallery kuunda michoro ya ukutani yenye ujumbe wa kuelimisha jamii kuhusu tahadhari na uelewa wakati wa janga hilo.