Utamaduni wa Zambia

Utamaduni wa Zambia
Bendera ya Zambia
Idadi ya makabila	Takribani 70+
Lugha rasmi	Kiingereza
Lugha nyingine	Kibemba, Kinyanja, Kitonga, Kilozi, Kikaonde, Kiluvale
Vyakula vikuu	Nshima
Dini kubwa	Ukristo, Uislamu

Utamaduni wa Zambia unajumuisha zaidi ya makabila 70 yenye mila, desturi na tamaduni mbalimbali. Makabila makubwa zaidi ni Wabemba, Watonga, Walozi, na Wachewa. Tofauti hizi za kikabila zimeifanya Zambia kuwa na utajiri wa kitamaduni unaoonekana kupitia sherehe, sanaa, lugha na vyakula vya jadi vinavyohifadhiwa kizazi hadi kizazi.

Lugha

Lugha rasmi nchini Zambia ni Kiingereza, inayotumika katika elimu, shughuli za serikali na vyombo vya habari. Pamoja na hivyo, kuna zaidi ya lugha 70 za kikabila zinazozungumzwa nchini humo. Lugha kuu zinazotumika zaidi ni kibemba, kinyanja, kitonga, kilozi, kikaonde, kiluvale, na kilunda.

Chakula

Nshima (kona ya juu kulia) na vitoweo vya aina tatu

Chakula kikuu cha Zambia ni nshima, ambacho hupikwa kwa unga wa mahindi. Nshima huliwa pamoja na mboga kama ifisashi, nyama ya mbuzi, kuku au samaki kama kapenta. Vyakula hivi vya asili huandaliwa zaidi wakati wa sherehe na hafla za kifamilia.

Mila na desturi

Zambia ina mila na desturi nyingi zinazoenziwa na jamii mbalimbali. Sherehe maarufu zaidi ni Kuomboka, ambayo ni maarufu zaidi kwa watu wa Lozi, ambapo mfalme wao huhama kutoka Lealui kwenda Limulunga wakati wa mafuriko ya mto Zambezi. Sherehe nyingine ni Nc’wala, ya Wangoni Mashariki mwa Zambia, inayoadhimishwa kuashiria mavuno mapya.