Umaskini nchini Kenya

Kaunti za Kenya kulingana na Viwango vya Umaskini

Kenya ni nchi ya kipato cha kati ya chini ikiwa na Pato la Taifa kwa kila mtu la dola 2,200 za Marekani kufikia mwaka wa 2024.Licha ya mafanikio fulani ya kiuchumi, ukosefu wa usawa na hali ya dhiki bado ni ya kawaida. Kwa mujibu wa Taasisi ya Kitaifa ya Takwimu ya Kenya (KNBS), kiwango cha umaskini kilikuwa asilimia 39.8% mnamo 2022, sawa na watu takriban milioni 15.9 wanaoishi chini ya mstari wa umaskini wa taifa huku 36.1% wakiwa chini ya mstari wa umaskini wa kitaifa. Maeneo ya ukame na nusu-kame (ASALs) yanaonyesha hali mbaya zaidi ya umaskini kutokana na changamoto za miundombinu, hali ya hewa, na kijamii.

Kaunti kama Turkana (82.7%), Mandera (72.9%), na Samburu (71.9%) zina viwango vya juu zaidi vya umaskini, huku Nairobi na Kiambu zikionesha viwango vya chini. Tofauti za kipato ni za kiwango cha kati, ambapo Kiashiria cha gini ilikuwa 38 mwaka 2022, ikionyesha pengo kubwa katika upatikanaji wa mali na huduma.

Sababu

Sababu mbalimbali huchangia kuendelea kwa umaskini nchini Kenya. Hizi ni pamoja na ukosefu wa ajira, hasa miongoni mwa vijana, ajira duni, mabadiliko ya tabianchi (ukame na mafuriko), na ukosefu wa huduma bora za elimu na afya. Ukosefu wa ajira kwa vijana ulikuwa asilimia 13.4 mwaka 2022, ambapo vijana wengi wanafanya kazi za mtaani zisizo na uhakika.

Jamii za vijijini huathirika zaidi, huku umaskini vijijini ukiwa asilimia 40.1%, ikilinganishwa na 29.4% katika maeneo ya mijini. Kaya zinazoongozwa na wanawake, watu wenye ulemavu, na jamii za wafugaji ni miongoni mwa makundi yaliyo hatarini zaidi. Upatikanaji wa huduma za msingi kama maji safi, umeme, na huduma bora za afya ni finyu katika kaunti nyingi, na kuchangia mzunguko wa umaskini.

Tazama pia

• Orodha ya Kaunti za Kenya kulingana na Viwango vya Umaskini
• Uchumi wa Kenya