Uhandisi wa Kikemia

Uhandisi wa kikemia ni uwanja wa uhandisi unaohusika na kubuni, kusanifu na kutekeleza michakato, ambapo mabadiliko ya kikemia au ya kimaumbile ya maunzi hubadilishwa kutoka hali ghafi hadi hali timilifu. Mhandisi wa kikemia hutumia ujuzi wa kemia, fizikia, hisabati, bayolojia na sayansi ya uzalishaji kubuni michakato na kuendesha viwanda.

Nadharia

Operesheni za kitengo

Katika kuchakata malighafi, vitendo vinavyofanywa kubadilisha maumbile ya maunzi katika mchakato huitwa operesheni za kitengo. Operesheni hizi zinajumuisha:

• Umakanika wa giligili
• Uhamisho wa joto
• Uhamisho wa tungamo

Michakato ya kitengo

Kitendo ambacho kitabadilisha maumbile ya kikemikali ya maunzi yanapochakatwa huitwa mchakato wa kitengo. Vitendo hivi hufanyika katika atomu na vinaweza kusaidiwa na operesheni za kitengo. Kwa mfano, katika mchakato wa kuzalisha sabuni, mmemenyuko wa hidrolisisi hufanyika katika halijoto 80 - 120 °C katika kinu kinachochukucha. Mchakato wa kitengo ni hidrolisisi, na operesheni za kitengo ni uhamisho wa joto (kutoka mvuke hadi mchanganyiko ulio ndani ya kinu) na kuchukucha.

Usanifishaji wa vinu

Inahusisha kusanifisha muundo wa kinu, mhandisi akizingatia mwendojoto, mwendo kikemikali, umakanika wa giligili, uhamisho wa joto na uhamisho wa tungamo. Parameta hizi huathiri jinsi mmemenyuko utafanyika, pamoja na kiwango na ubora wa mazao yatakayozalishwa kutoka mchakato wa kinu.