Tundra

Tundra ya aktiki kwenye Kisiwa cha Wrangel, Urusi

Maeneo ya Tundra duniani      Tundra karibu na ncha, penye kuvumwani na kuvu pekee (uoto unafunika 10 - 80 % za uso wa nchi)      Tundra yenye majani na vichaka vidogo (uoto unafunika zaidi ya 80 % za uso wa nchi)      Tundra ya mlimani karibu na ncha      Tundra ya mlimani ya latitudo za kati      Mbuga karibu na ncha

Tundra ni eneo ambako miti haiwezi kustawi kutokana na halijoto duni na kipindi kifupi cha kuota kwa majani. Mara nyingi ardhi ya maeneo hayo iko katika hali ya jalidi ya kudumu yaani halijoto ya ardhi chini ya kina cha sentimita 30-200 ina halijoto chini ya sentigredi 0°C muda wote hata wakati wa "joto" katika maeneo hayo.

Kuna aina tatu za tundra:

• tundra ya aktiki
• tundra ya antaktiki
• tundra ya milimani

Uoto wa mimea katika maeneo ya tundra ni hasa majani, kumvumwani na kuvu. Kama miti iko inatokea kwa umbo la vichaka vidogo. Mpaka kati ya maeneo ya tundra na maeneo ya misitu hujulikana kama "mstari wa miti".

Tabianchi katika maeneo ya tundra ni baridi kali na halijoto kidogo juu ya 0°C wakati wa wiki au miezi michache ya majira ya joto ilhali joto halitoshi kuyeyusha ardhi iliyoganda, isipokuwa kwenye sentimita za juu za ardhi.

Marejeo

Makala hii kuhusu eneo fulani bado ni mbegu. Je unajua kitu kuhusu Tundra kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. Usitaje majina ya madiwani na viongozi au maafisa wengine wa sasa maana wanabadilika haraka mno.