Tsavorite

Ganeti ya Tsavorite

Tsavorite ni jiwe la thamani lenye rangi ya kijani kibichi inayong'aa, linalotokana na madini ya ganeti, na lina kemikali za alumini, silika, na vanadi. Jiwe hili hupatikana kusini mwa Kenya na kaskazini mwa Tanzania, na hufahamika kwa kuwa la asili bila tiba yoyote ya kuongezea rangi. Tsavorite ni adimu na ina uimara wa kipekee, na ndiyo maana inavutia sana katika tasnia ya mapambo. Rangi yake ya kijani inayong'aa hufanya iwe chaguo maarufu kwa mapambo ya kifahari kama pete, mikufu, na vipuli, huku ikionyesha uzuri wa asili na mvuto wa kipekee kwa wapenzi wa vito duniani kote.Tsavorite imetokana na Hifadhi ya Taifa ya Tsavo.

Mwaka 1967 Campbell R. Bridges, mwanajiolojia wa Uingereza aliigundua ganeti hiyo na Harry Platt wa Tiffany & Company (New York) kuipa jina Tsavorite kutokana na Hifadhi ya Tsavo nchini Kenya.

Ingawa Tsavorite hupatikana nchini Tanzania na Kenya, Tsavorite bora zaidi, yenye rangi ya kijani kibichi bado inapatikana Tsavo, Kenya pekee.

Thamani na bei

Tsavorite ni garnet yenye bei ya juu sokoni hivi sasa. Carati moja ya Tsavorite iliyo na ubora wa juu inagharimu dola 10,000 hadi 20,000. Mawe ya rangi nyepesi, hasa yale madogo ya karati moja, yanapatikana kwa urahisi. Hata hivyo, mawe yenye rangi nzuri na safi, hasa ya karati mbili au zaidi, ni nadra sana na bei yake kwa kila karati hupanda kwa haraka. Mawe yenye rangi ya kijani kibichi iliyojaa sana husababisha bei ya juu zaidi.

Marejeo

Makala hii kuhusu mambo ya sayansi bado ni mbegu. Je, unajua kitu kuhusu Tsavorite kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.