Tomorrowland (filamu)

Tomorrowland
Imetayarishwa na	Damon Lindelof Brad Bird Jeffrey Chernov
Nyota	George Clooney Hugh Laurie Britt Robertson Raffey Cassidy Tim McGraw Kathryn Hahn Keegan-Michael Key
Imehaririwa na	Walter Murch Craig Wood
Imesambazwa na	Walt Disney Studios Motion Pictures
Ina muda wa dk.	dakika 130
Nchi	Marekani
Lugha	[[Lugha ya Kiingereza|Kiingereza]]
Mapato yote ya filamu	dola milioni 209

Tomorrowland ni filamu ya bunilizi ya kisayansi kutoka nchini Marekani iliyotolewa mwaka 2015. Filamu hii imeongozwa na Brad Bird huku muswada ukiandikwa na Bird pamoja na Damon Lindelof kutokana na hadithi iliyotungwa na Bird, Lindelof, na Jeff Jensen. Filamu hii inawashirikisha waigizaji nyota George Clooney, Hugh Laurie, Britt Robertson, Raffey Cassidy, Tim McGraw, Kathryn Hahn, na Keegan-Michael Key.

Hadithi ya filamu hii imetokana na bustani ya burudani ya Disney iitwayo Tomorrowland. Walt Disney Pictures ilitangaza filamu hii mnamo Juni 2011 kwa jina la awali 1952, na baadaye ikabadilishwa jina kulingana na sehemu ya bustani za Disney. Katika kuandaa hadithi, Bird na Lindelof walipata msukumo kutoka kwa Walt Disney na maono yake ya jamii ya baadaye iitwayo EPCOT.

Hadithi

Katika Maonesho ya Dunia ya New York ya mwaka 1964, mvumbuzi mdogo Frank Walker anashindwa kumvutia jaji kwa kifaa chake cha kupaa. Hata hivyo, msichana wa ajabu aitwaye Athena anaona uwezo ndani yake na kumpa pini inayompeleka hadi kwenye mji wa kustaajabisha wa Tomorrowland katika mwelekeo mwingine.

Katika wakati wa sasa, Casey Newton, msichana anayejaribu kuzuia ubomoaji wa jukwaa la kurushia roketi la NASA, anapata pini kama hiyo. Casey anamtafuta Frank Walker (sasa akiwa mzee) ambaye alifukuzwa Tomorrowland miaka mingi iliyopita. Casey anagundua kuwa Frank amejenga kifaa kinachotabiri mwisho wa dunia, lakini matumaini ya Casey yanafanya uwezekano wa maafa hayo kuanza kupungua.

Wakiwa wanasakwa na roboti wauaji, Frank, Casey, na Athena wanasafiri hadi Paris na kurusha roketi ya siri iliyofichwa chini ya Mnara wa Eiffel. Wanafika Tomorrowland na kuta mji ukiwa umechakaa. Gavana David Nix anakiri kuwa amekata tamaa na dunia na anaamua kuruhusu apocalypse itokee. Baada ya mapambano, Athena anajitoa mhanga kuharibu mashine ya kutabiri maafa, na Nix anauawa. Mwishoni, Frank na Casey wanachukua uongozi na kuanza kutuma roboti duniani kote kutafuta "waotaji" (dreamers) wapya ili kujenga kesho iliyo bora.

Washiriki

• George Clooney kama Frank Walker
• Hugh Laurie kama David Nix
• Britt Robertson kama Casey Newton
• Raffey Cassidy kama Athena
• Tim McGraw kama Eddie Newton
• Kathryn Hahn kama Ursula
• Keegan-Michael Key kama Hugo

Viungo vya nje

Wikiquote ina mkusanyiko wa dondoo kuhusu:

Tomorrowland (filamu)

• Official website
• Tomorrowland at the Internet Movie Database
• Kigezo:DisneyAtoZ
• Tomorrowland (filamu) at Discogs