T. B. Joshua

Kutoka Wikipedia, kamusi elezo huru
Jump to navigation Jump to search
T. B. Joshua.

Temitope Balogun Joshua (anayejulikana sana kwa jina la T. B. Joshua, alizaliwa tarehe 12 Juni 1963) ni mchungaji na nabii kutoka nchi ya Nigeria ambaye hujulikana kwa kusaidia watu wenye matatizo mbalimbali kwa njia mbalimbali, zikiwemo njia za maombezi ya papo kwa papo na maombezi kwa njia ya televisheni.

Ni mwanzilishi na kiongozi wa Sinagogi na Kanisa la Mataifa yote (The Synagogue, Church Of All Nations)[1][2] ambalo pia ni shirika la kikristo linaloendesha kituo cha televisheni kiitwacho Emmanuel TV kilichopo katika mji wa Lagos nchini Nigeria.

Historia ya maisha yake haijafahamika vizuri lakini inasemekana kuwa alikaa miezi kumi na mitano (15) katika tumbo la mama yake.

T. B. Joshua ana umaarufu barani Afrika na kuwa na wafuasi wengi zaidi katika mitandao mbalimbali, ikiwemo ya kijamii, huku akiwa na wafuasi wapatao 2,500,000 katika mtandao wa facebook[3][4] na takribani wafuasi 500,000 kwenye mtandao wa YouTube [5] huku akielezwa kuwa ni mhubiri mkubwa wa Injili[6] na mchungaji maarufu zaidi katika mtandao wa YouTube[7]

Pia Emmanuel TV inadaiwa kuwa televisheni ya Kikristo kubwa na ya kwanza barani Afrika.[8].Emmanuel TV ni chaneli ya Kikristo inayoongoza kwa kuwa na watazamaji wengi wanaojiunga kuitazama katika mtandao wa YouTube, ikiwa na video zenye watazamaji zaidi ya milioni mia tatu.[9][10]

T. B. Joshua alipewa tuzo mbalimbali za heshima kama vile tuzo la Officer of the Order of the Federal Republic (OFR) ambayo alipewa na Serikali ya Nigeria mwaka 2008[11] na aliwahi kupigwa kura na watu waongeao lugha ya Kiyoruba na kutangazwa na chombo cha habari cha jamii ya Kiyoruba kuwa mtu wa pekee wa karne.[12].

Amewahi kuandikwa pia na magazeti ya jamii za Kiafrika The Africa Report na New African Magazine kuwa mmojawapo kati ya watu hamsini wenye kuvuta hisia za watu (watu wenye ushawishi mkubwa) zaidi barani Afrika. [13][14]

Kwa mujibu wa gazeti maarufu kutoka nchini Marekani liitwalo Forbes, linaloangazia zaidi mambo ya biashara, uwekezaji, teknolojia, ujasiriamali, uongozi na mitindo ya maisha, T. B. Joshua anatajwa kuwa mchungaji wa tatu kwa utajiri nchini Nigeria[15] ingawa jambo hilo lilipingwa haraka na kanisa lake.[16]

Marejeo[hariri | hariri chanzo]

  1. https://www.scoan.org/
  2. Prophet TB Joshua. Scoan.org. Iliwekwa mnamo 2015-07-16.
  3. "T.B. Joshua Passes Million Milestone On Facebook", Peace FM (Ghana), 2014-05-29. 
  4. Adebowale, Segun. "T.B. Joshua Reaches 2 Million Facebook Fans", The Eagle Online (Nigeria), 2016-03-20. 
  5. Njoku, Ihechukwu. "Emmanuel TV Trumps P-Square, Nollywood To Youtube Milestone", Herald (Nigeria), 2016-09-02. 
  6. Palet, Laura. "The Millionaire On God's Payroll", OZY, 2016-09-18. 
  7. Oshin, Tope. "TB Joshua Honoured In Peru After Crusade In South America's Largest Stadium", Signal (Nigeria), 2016-09-27. 
  8. Mallinson, Harriet. "Bizarre moment pastor is EXORCISED in desperate bid to save his church", Daily Mail (UK), 2016-08-26. 
  9. Bruce, James. "Skewed Stats", WORLD Magazine (USA), 2015-04-15. 
  10. Yenko, Athena. "Malaysian Flight MH370: Prophecy Video Emerges Dated July 28", International Business Times, 2014-03-12. 
  11. Umem, James. "Adeboye, TB Joshua Absent At National Awards", Vanguard, 2008-12-23. 
  12. "Awo, Soyinka, TB Joshua listed as Yoruba icons", Nigerian Tribune, 2015-02-20. 
  13. "The 50 Most Influential Africans", The Africa Report, 2012-09-30. 
  14. "2012: 100 Most Influential Africans", New African Magazine, 2012-12-26. 
  15. "Pentecostalism in Africa: Of prophets and profits", The Economist, Oct 4, 2014. Retrieved on 3 October 2014. 
  16. Makhaya, Trudi. "Malaysian Flight MH370: Prophecy Video Emerges Dated July 28", ENCA (South Africa), 2014-09-17.