Svetlana Kulakova

Svetlana Kulakova
Amezaliwa	13 Desemba 1982 (1982-12-13) Sarov, Urusi
Nchi	Urusi
Mtindo	Mtindo wa kawaida
Uzito	Uzani wa Kati Mwepesi
Urefu	futi 5 inchi 8

Svetlana Kulakova (amezaliwa tarehe 13 Desemba 1982) ni bondia wa zamani wa kulipwa kutoka nchini Urusi na pia bingwa wa ndondi za ridhaa katika mchezo wa mateke "kickboxing ".

Alitwaa taji la muda la dunia la WBA katika daraja la uzito wa juu wa mwanga (super-lightweight) lililokuwa wazi baada ya kumshinda Judy Waguthii kwa uamuzi wa majaji wote katka mji wa Volgograd,nchini Urusi, mnamo 24 Agosti 2013. Kulakova alifanikiwa kulitetea taji hilo kwa ushindi wa pointi dhidi ya Florence Muthoni katika mji wa Barnaul,nchini Urusi, mnamo 15 Novemba 2013.

Mnamo 1 Juni 2014, alichuana na bingwa kamili wa WBA, Ana Laura Esteche, kwenye mji wa Mytishchi,huko nchini Urusi, lakini pambano hilo liliishia kwa sare. Kulakova alishinda taji la dunia la IBO katika uzito wa juu wa mwanga lililokuwa wazi kwa kumshinda Prisca Vicot lililofanyika katika jiji kuu la nchi ya Urusi la Moscow, mnamo 3 Desemba 2016. Alilitetea taji hilo mara moja katika pambano la marudiano dhidi ya Judy Waguthii mnamo 27 Novemba 2017, ambapo alishinda kwa uamuzi wa majaji wengi.