Supernatural (mfululizo wa TV)
| Supernatural | |
|---|---|
_logo.svg){kind=logo} Logo ya Supernatural | |
| Aina | Jozi ya njozi, Aksheni-Adventure, Melodrama |
| Wabunifu wakuu | Eric Kripke Sera Gamble Jeremy Carver Andrew Dabb Robert Singer |
| Nyota | Jared Padalecki Jensen Ackles Katie Cassidy Lauren Cohan Misha Collins Mark A. Sheppard Mark Pellegrino Alexander Calvert |
| Mtunzi wa kibwagizo | Jay Gruska Christopher Lennertz |
| Watunzi wa kibwagizo | Jay Gruska Christopher Lennertz |
| Nchi inayotoka | Marekani |
| Lugha | Kiingereza |
| Ina misimu | 15 |
| Ina sehemu | British Columbia, Kanada (Orodha ya sehemu) |
| Utayarishaji | |
| Watayarishaji wakuu |
Eric Kripke Robert Singer McG David Nutter Kim Manners Phil Sgriccia Sera Gamble Jeremy Carver Adam Glass Brad Buckner Eugenie Ross-Leming |
| Mtayarishaji | Kripke Enterprises Wonderland Sound and Vision Warner Bros. Television |
| Sehemu | British Columbia, Kanada |
| Muda | dk. 38–45 |
| Urushaji wa matangazo | |
| Kituo | The WB (2005–2006) The CW (2006–2020) |
| Inarushwa na | 13 Septemba 2005 |
| Viungo vya nje | |
| Profaili ya IMDb | |
| Muhtasari wa TV.com | |
Supernatural ni mfululizo wa tamthilia ya bunilizi la kinjozi na kutisha kutoka Marekani iliyotengenezwa na Eric Kripke. Ilirushwa kwa mara ya kwanza kupitia chaneli ya The WB na baadaye The CW kwa misimu 15 kati ya Septemba 2005 na Novemba 2020. Jared Padalecki na Jensen Ackles wanacheza kama Sam na Dean Winchester, ndugu wawili wanaoshirikiana kuwasaka na kuwakabili viumbe wa ajabu na mashetani. Kadiri hadithi inavyoendelea, wanapambana dhidi ya malaika na mashetani, na kuuokoa ulimwengu kutoka kwenye Apocalypse. Tamthilia hii inachunguza mada za familia ya kujichagulia, utegemezi wa ndugu, utamaduni wa Kimarekani, viwewe vya kisaikolojia, na hadithi za Kiyahudi na Kikristo. Kutokana na kupokelewa vyema na watazamaji, Misha Collins, Mark A. Sheppard, na Mark Pellegrino walipandishwa vyeo na kuwa wahusika wakuu wa kudumu.
Mradi huu ulianzia kwenye wazo la Kripke la safari ya barabarani ya kuvuka nchi na uliidhinishwa na kampuni ya Warner Bros. Ulipitia vipindi vinne vya waongozaji wakuu (showrunners): Kripke, Sera Gamble, Jeremy Carver, na wenzake Andrew Dabb na Robert Singer. Uandishi wa mfululizo huu unatumia mfumo wa monster-of-the-week (dudu moja kila wiki), saikolojia ya kifamilia, na vichekesho vya kujirejelea. Ukichukuliwa picha mjini Vancouver, Kanada, mfululizo huu unatumia mtindo wa picha za mwanga na giza (chiaroscuro) uliotengenezwa na Serge Ladouceur, huku timu ya utayarishaji ikianzisha idara ya madhara ya picha za kompyuta (VFX) ili kukabiliana na udogo wa bajeti. Muziki wake unachanganya nyimbo za asili zilizotungwa na Jay Gruska na Christopher Lennertz pamoja na nyimbo za rock ya zamani, ikiwa ni pamoja na wimbo wa "Carry On Wayward Son" wa bendi ya Kansas.
Supernatural ilianza kurushwa tarehe 13 Septemba 2005. Nchini Marekani, sehemu nyingi za tamthilia hii zilivutia watazamaji zaidi ya milioni moja, huku kipindi kilichotazamwa zaidi kikifikisha watazamaji milioni 5.82. Ilipohitimishwa mnamo tarehe 19 Novemba 2020, tamthilia hii ilishikilia rekodi kama mfululizo uliodumu kwa muda mrefu zaidi kwenye chaneli ya The CW na mfululizo wa njozi uliodumu kwa muda mrefu zaidi katika historia ya runinga ya Marekani. Misimu yote 15 iliyotolewa ilizinduliwa kwenye DVD na Blu-ray tarehe 25 Mei 2021. Wakosoaji wa runinga walisifu mshikamano na uelewano kati ya Padalecki na Ackles, wakizingatia misimu mitano ya kwanza kuwa ndiyo iliyokuwa kilele cha ubora wa tamthilia hiyo. Utayarishaji ulipokea ukosoaji kwa kuwa na mfuatano wa hadithi unaojirudia na wenye utata katika misimu yake 10 ya mwisho. Hata hivyo, ilipokea uteuzi mara tatu katika tuzo za Primetime Emmy Awards na kushinda tuzo tisa za People's Choice Awards. Mfululizo huu una kundi kubwa la mashabiki ambao mara kwa mara huandaa makongamano na kufanya kazi za hisani.
Muhtasari
[hariri | hariri chanzo]Hadithi
[hariri | hariri chanzo]Baada ya kifo cha mama yao Mary kisichoelezeka, ndugu wawili Sam na Dean Winchester walelewa kama wawandaji na baba yao, John, ili kumtafuta kiumbe aliyetwaa maisha ya mama yao.[1] Misimu mitatu ya kwanza ya Supernatural inajikita kwenye maisha ya safari za barabarani za ndugu hao,[2] ikianza na msako wa kumtafuta baba yao aliyepotea.[3] Mapema, Sam alitafuta maisha ya kawaida kwa kusoma katika Chuo Kikuu cha Stanford pamoja na mpenzi wake, Jessica. Baada ya Jessica kuuawa kwa njia ile ile kama mama yake, Sam aliacha masomo yake na kujiunga na harakati za Dean.[4][5] Wakifanya safari kote nchini Marekani, wanawawinda wanyama wa ajabu, majini, mashetani, na viumbe wengine wa njozi kutoka kwenye hadithi za kijadi na hadithi za mjini.[6][7]
Baada ya kuungana tena na wanaye katika msimu wa pili, John anatoa maisha yake ili kuokoa maisha ya Dean.[8] Ndugu hao wanagundua kuwa shetani mwenye macho ya manjano Azazel ndiye aliyewaua Mary na Jessica, na alikuwa amemnywesha Sam damu ya shetani akiwa mtoto mchanga. Sam anauawa kwa muda mfupi, na Dean anauza nafsi yake kwa shetani wa njia panda ili kupewa muda wa mwaka mmoja wa kumfufua; hatimaye ndugu hao wanafanikiwa kumwangamiza Azazel.[9] Mwishoni mwa msimu wa tatu, Dean anatokomezwa Kuzimu na mbwa wa kuzimu. Msimu wa nne unaweka mabadiliko makubwa kwa kumtambulisha Malaika Castiel, anayemfufua Dean.[10] Akiongozwa na huruma, Castiel anaisaliti Mbinguni na kuungana na akina Winchester ili kuzuia Apocalypse.[11] Hata hivyo, Sam anashawishiwa na kugeuzwa na shetani Ruby; kwa kunywa damu ya shetani, anammaliza Lilith, na bila kukusudia anamwachia huru malaika mkuu aliyeasi Lucifer kutoka Kuzimu.[12]
Katika msimu wa tano, inagundulika kuwa Sam na Dean ndio waliopangwa kuwa "vyombo" vya Lucifer na malaika mkuu Michael, mtawalia, waliochaguliwa kutumika katika vita vya mwisho wa dunia.[13] Wakipinga hatima yao, Sam anajirejeshea udhibiti wa mwili wake na kuwafunga wote wawili, Lucifer na Michael, kwa kujitupa mwenexe katika Tundu la Lucifer,[14] ambapo baadaye anaokolewa na Castiel.[15] Katika msimu wa sita, ili kuzuia malaika mkuu Raphael kuanzisha tena Vita vya Mwisho wa Dunia, Castiel anaungana na shetani Crowley ili kufungua Ahera (Purgatory),[16] bila kukusudia wakiwachilia viumbe wa kale wanaojulikana kama Leviathans.[17] Katika msimu wa pitp, ndugu hao wanapambana na kiongozi wa Leviathan, Dick Roman, ili kuzuia mpango wake wa kugeuza binadamu kuwa chanzo cha chakula.[18] Baada ya Dean kumwangamiza Roman na kukaa mwaka mmoja akiwa amenaswa Ahera,[19] anarejea na kuungana na Sam katika jaribio la kufunga Milango ya Kuzimu kupitia majaribio kadhaa katika msimu wa mechi.[20]
Malaika Metatron baadaye anaisaliti Castiel, akimnyanya neema yake ili kufanya utabiri unaowafukuza malaika wote kutoka Mbinguni hadi Duniani.[21] Castiel anageuka kuwa binadamu wa kawaida na kuhangaika kuishi katika msimu wa tisa.[22] Ili kumwokoa Sam aliyekuwa anakufa, Dean anamdanganya ndugu yake amruhusu malaika kuingia mwilini mwake, jambo linalosababisha mpasuko kati ya ndugu hao, na kumfanya Dean akubali kutwaa Alama ya Kaini ili kupata nguvu za kumwangamiza shetani Abaddon. Alama hiyo inampa nguvu kubwa lakini inamjaza na kiu isiyoshibishwa ya damu, na kupelekea kifo chake na kufufuliwa kwake kama shetani.[23] Wakati Sam anajaribu kuondoa Alama hiyo kwa kutumia Kitabu cha Walioelaaniwa kwa msaada wa mchawi Rowena MacLeod,[24] bila kukusudia wanamwachia huru Amara, dada yake Mungu anayejulikana kama Giza (The Darkness).[25]
Mungu anajidhihirisha chini ya mwonekano wa mwandishi wa riwaya anayeitwa Chuck Shurley.[26] Msimu wa kumi na mmoja unajikita kwenye muungano ulioundwa ili kumshawishi Amara kupatana na Chuck.[27] Kutokana na shukrani, Amara anammfufua Mary Winchester.[28] Katika msimu wa kumi na mbili, Lucifer anampa ujauzito mwanamke mwanadamu, na kuzaa mtoto wa Nephilim anayeitwa Jack Kline.[29] Japo kulikuwa na hofu kwamba mtoto huyo angeharibu ulimwengu,[30] Sam na Dean wanamlea Jack pamoja na Castiel.[31] Hata hivyo, Jack anafungua ufa wa vipimo kwenda ulimwengu mwingine ulioteketezwa na Vita vya Mwisho,[29] na kuleta toleo la Michael lililotofautiana na lenye ukatili zaidi.[32] Ili kumshinda Lucifer na kumwokoa Sam na Jack, Dean anakubali kuwa chombo cha Michael.[33] Jack anatumia nguvu zake zilizobaki kumshinda Michael,[34] jambo linalopelekea kupoteza nafsi yake na kusababisha kifo cha Mary bila kukusudia.[27]
Chuck anatokea tena na kutaka ndugu hao wamuuage Jack. Wakigundua kuwa Chuck amekuwa akiendesha maisha yao ya mateso kama burudani yake mwenewe, Sam na Dean wanamuasi, jambo linalomfanya Chuck mwenye ghadhabu anaanza kufuta ukweli na ulimwengu wote.[35] Msimu wa kumi na tano na wa mwisho unafuata uasi wa mwisho wa akina Winchester dhidi ya Mungu.[36] Katika mchakato huo, Castiel ajitolea muhanga kumkinga Dean dhidi ya Kifo, na kupelekea kutupwa kwake kwenye Utupu (The Empty).[37] Jack ananyonya nguvu za Chuck na kuwa Mungu mpya, akirejesha kikamilifu hiari kwa wanadamu.[38] Mfululizo huu unahitimishwa na kifo cha Dean wakati wa msako wa kawaida wa uwindaji, wakati Sam anaishi maisha ya amani hadi uzeeni; hatimaye ndugu hao wanaungana tena Mbinguni.
Marejeo
[hariri | hariri chanzo]- ↑ Dominiak 2014, p. 89; Nylander & Taylor 2019, p. 5; Smith, Kennedy & Heyman 2020, p. 50.
- ↑ Stein 2013, p. 408.
- ↑ Gordon 2019, p. 35.
- ↑ Smith, Kennedy & Heyman 2020, pp. 10, 12, 48.
- ↑ Tosenberger, Catherine (2008). ""The epic love story of Sam and Dean": Supernatural, queer readings, and the romance of incestuous fan fiction". Transformative Works and Cultures (kwa Kiingereza) (1). doi:10.3983/twc.2008.030.
- ↑ Nylander & Taylor 2019, p. 5.
- ↑ Donahue, Lauri (Septemba 7, 2005). "Kripke goes for 'Supernatural' chills". Toledo Free Press (kwa Kiingereza). Ilihifadhiwa kwenye nyaraka kutoka chanzo mnamo Februari 1, 2012. Iliwekwa mnamo Septemba 30, 2009.
{{cite news}}: CS1 maint: date auto-translated (link) - ↑ Giannini 2021, pp. 159–160.
- ↑ Giannini 2021, p. 161.
- ↑ Giannini 2021, pp. 162–163.
- ↑ Giannini 2021, pp. 42–43.
- ↑ George 2019, p. 116.
- ↑ Valenzano III & Engstrom 2014, p. 555.
- ↑ Nylander 2019, pp. 26–27; Brown 2020, p. 28; Giannini 2021, p. 20.
- ↑ Nylander 2019, p. 27.
- ↑ Giannini 2021, p. 168.
- ↑ Giannini 2021, p. 61.
- ↑ Favard 2018, p. 23; Giannini 2021, p. 20.
- ↑ Giannini 2014, p. 93.
- ↑ Favard 2018, p. 23; Taylor 2019, p. 204.
- ↑ Giannini 2021, pp. 43, 94.
- ↑ Engstrom & Valenzano III 2014, p. 134.
- ↑ Giannini 2021, pp. 22, 36, 171–172.
- ↑ Salter 2019, p. 147.
- ↑ George 2019, p. 114; Giannini 2021, p. 22.
- ↑ Giannini 2021, p. 173.
- 1 2 Giannini 2021, p. 79.
- ↑ Giannini 2021, p. 112.
- 1 2 Favard 2018, p. 24.
- ↑ Giannini 2021, p. 113.
- ↑ Abbott 2020, p. 47; Giannini 2021, p. 46.
- ↑ Nylander & Taylor 2019, p. 6.
- ↑ Harris 2019, p. 100; Giannini 2021, pp. 36–37.
- ↑ Highfill, Samantha (Machi 7, 2019). "Supernatural recap: Jack goes toe-to-toe with Michael". Entertainment Weekly (kwa Kiingereza). Iliwekwa mnamo Machi 19, 2019.
{{cite magazine}}: CS1 maint: date auto-translated (link) - ↑ Giannini 2021, pp. 176–177.
- ↑ Hansen 2021, p. 46.
- ↑ Giannini 2021, p. 177.
- ↑ Abbott & Brown 2021, p. 6.