Straw

Straw
Release poster
Imeongozwa na	Tyler Perry
Imetayarishwa na	Tyler Perry Angi Bones Tony Strickland
Imetungwa na	Tyler Perry
Nyota	Taraji P. Henson Sherri Shepherd Teyana Taylor Sinbad Rockmond Dunbar Ashley Versher Mike Merrill Glynn Turman
Muziki na	Dara Taylor
Imehaririwa na	Nick Coker
Imesambazwa na	Netflix
Imetolewa tar.	6 Juni, 2025
Ina muda wa dk.	108
Nchi	Marekani
Lugha	Kiingereza

Straw ni filamu ya igizo la kisaikolojia na uhalifu iliyotoka 2025 kutoka nchini Marekani. Filamu hii imeandikwa, kutayarishwa, na kuongozwa na Tyler Perry. Waigizaji wake ni Taraji P. Henson, Sherri Shepherd, Teyana Taylor, Sinbad, Rockmond Dunbar, Ashley Versher, Mike Merrill, na Glynn Turman.

Straw ilitolewa na Netflix tarehe 6 Juni 2025.

Hadithi

Janiyah Wiltkinson ni mama asiye na mume anayemlea binti yake mgonjwa, Aria, katika nyumba ya kupanga iliyochakaa. Siku moja asubuhi, akiwa anamuandaa Aria kwenda shule, Janiyah anamwonya binti yake kutoigusa kazi yake ya mradi wa sayansi. Aria analalamika kuwa hawezi kuoga mwenyewe, kisha anamwambia mama yake kuwa mwalimu alitangaza kuwa mama yake hawezi kumlipia chakula cha mchana. Janiyah anakasirika lakini analazimika kuelekea kazini.

Anapokuwa anatoka, anampa kiasi kidogo cha pesa jirani yake mlemavu aliye kwenye kiti cha magurudumui. Mwenye nyumba anaona na kumtishia kumfukuza ikiwa hatalipa kodi kabla ya saa nne asubuhi. Baada ya kumpeleka Aria shule, ambapo mwalimu mkuu anamtazama kwa mshangao, Janiyah anaenda kazini katika duka la vyakula. Mteja mmoja anamrushia chupa baada ya Janiyah kukataa kukubali kadi ya EBT kununua bidhaa zisizoruhusiwa.

Meneja wake, ambaye hana huruma, anamwamuru asafishe ghasia hiyo. Wakati yuko nyuma ya duka, anapigiwa simu akijulishwa kuwa Aria ameumia baada ya kupata degedege bafuni.

Meneja anamwambia arudi kazini ndani ya dakika 30 na anakataa kumpa malipo yake. Janiyah anakimbilia benki kuchukua pesa za chakula cha Aria, lakini foleni ni ndefu. Shuleni, anakutana na mwalimu mkuu na Maafisa wa Huduma za Ustawi wa Watoto ambao wanamchukua Aria. Janiyah anapiga kelele kuwa binti yake anahitaji dawa, lakini hawamsikilizi.

Akiwa anarudi kazini huku mvua ikinyesha, anakatiza gari la mtu mwingine ambaye ni polisi wa kiraia. Polisi huyo anammwagia kinywaji na kumgonga gari lake. Polisi wanapofika, wanakamata gari lake kwa sababu ya nyaraka zilizomaliza muda wake. Anarudi kazini kwa miguu na kufukuzwa kazi. Meneja wake bado anakataa kumpa malipo.

Anaporudi nyumbani, anakuta vitu vyake vimetupwa nje – ametimuliwa. Anaenda dukani kumkabili meneja wake. Wakati huo, majambazi wawili wanaingia. Mmoja wao anataka begi la Aria, lakini Janiyah anakataa na kushambuliwa. Katika mapambano, ananyakua bunduki na kumpiga jambazi. Meneja wake anamdhania alipanga wizi huo kwa sababu jambazi alilitaja jina lake. Kwa hofu, Janiyah anampiga risasi meneja na kukimbia na hundi yake ya mshahara.

Benki, mhudumu anakataa kumlipia hundi bila kitambulisho. Janiyah, akiwa amefikia kikomo, anatoa bunduki na kulazimisha apewe pesa. Kengele ya kimya inapigwa. Meneja wa benki, Nicole, anamkumbuka na anajaribu kumtuliza. Wapelelezi Raymond na Grimes, waliokuwa wanachunguza tukio la awali dukani, wanajulishwa kuhusu uvamizi huo wa benki.

Raymond, ambaye aliwahi kuwa mpatanishi jeshini, anapiga simu kuzungumza na Janiyah, na wananza kuelewana. Mhudumu mmoja anaanza kurusha tukio moja kwa moja mtandaoni, na watu wanaanza kumuhurumia Janiyah. Umati wa wafuasi unakusanyika nje. Polisi wanakata matangazo ya moja kwa moja. Raymond, ambaye anaelewa mateso ya Janiyah, anamkamata yule polisi aliyemdhuru Janiyah.

Nicole na Janiyah wanazima kamera za usalama, lakini mhudumu mmoja, Tessa, anaandika ujumbe kwenye dirisha la choo, akisema kuwa "bomu" lililopo ni mradi wa sayansi wa Aria. Raymond anampiga yule polisi aliyehusika na anamtaka FBI wamruhusu kuzungumza na Janiyah. FBI wanakataa, lakini Raymond anampa Nicole picha ya polisi huyo. Janiyah anamtambua, na anaachilia mateka wote – isipokuwa Nicole ambaye anabaki kwa hiyari yake.

Janiyah anapokea simu kutoka kwa mama yake, anayemkumbusha kuwa Aria alikufa usiku uliopita kutokana na degedege. Kumbukumbu zinaonesha kuwa Aria hakuwa hai siku nzima – alikuwa ni taswira tu akilini mwa Janiyah. Hakukuwa na simu kutoka shule wala huduma za ustawi wa watoto. Nicole, akijua kuwa Aria amefariki, alibaki benki kumlinda Janiyah.

Polisi walipokuwa wanajiandaa kuivamia benki, gesi ya machozi inarushwa na Janiyah anaonekana kupigwa risasi – lakini hiyo pia ni taswira ya akili. Kwa kweli, Janiyah anakamatwa kwa amani na Raymond, huku Nicole akiwa pembeni yake.

Wahusika

• Taraji P. Henson kama Janiyah Wiltkinson
• Sherri Shepherd kama Nicole
• Teyana Taylor kama Det. Kay Raymond
• Sinbad kama Benny
• Rockmond Dunbar kama Chief Wilson
• Ashley Versher kama Tessa George
• Mike Merrill kama Det. Grimes
• Glynn Turman kama Richard

Viungo vya nje

• Straw on Netflix
• Straw at the Internet Movie Database